Deputeti i Lulzim Bashës, Ervin Salianji, dje njoftoi dorëheqjen nga një post ku ishte emëruar, i cili në fakt nuk vlen asgjë për karrierën e një politikani.
Por ka disa syresh që janë gati të marrin çdo emërim, mjafton ta shkruajnë në CV-në e tyre.
Dorëheqja u shoqërua me propagandë a thua se ishte përmbysur bota dhe kishte lënë detyrën Rama, Meta apo vetë Lulzimi.
Një dorëheqje që u duk si akt qytetarie, por në fakt ishte një levizje për të goditur Bashën dhe për t’i treguar dhëmbët, ashtu siç bëri edhe kolegia e tij Grida Duma disa ditë më parë. Pas mërzisë që i ka pushtuar se ngelën pa poste në PD tani kanë filluar të “kafshojnë” Lulin, megjithëse janë thjeshtë produkte të Lulzimit në PD.
Salianji që shpesh shpall fitoret e tij dhe flet për moral politik në fakt është një humbës, ku morali politik nuk ka asnjë vend.
Përtej një protagonizmi të “çmendur” në politikë nuk gjen asgjë tjetër vecse humbe. Ai ishtë kandidat për kryetar i FRPD-së, çfarë makinacionesh nuk përdori dhe humbi me gati 500 vota përballë Belind Këlliçit, kreut të FRPD-së, që çdo ditë sulmohet nga një grup hijenash që vërsul Ervini çdo ditë. Dhe megjithë humbjen, u emërua sekretar dhe nuk u zgodh kurrë i tillë.
Më pas u emërua deputet, i dyti në qarkun e Korçës, humbi dhe në komunën e tij Lozhan, ku babai i tij kishte drejtuar për tre mandate.
Lulzim Basha i jep edhe një tjetër emërim, e bën sekretar të Grupit parlamentar, ku betejën e parë se ka me PS, por me Sali Berishën për votimin e Gramoz Ruçit në parlament, një ngjarje e shëmtuar që ende nuk ka marrë përgjigje.
Së fundi, Ervini kandidoi për kryesinë e PD-së ku HUMBI sërish, dhe dje në media fliste për burrëri e fjalën e pambajtur dhe shpesh hidhte thumba ndaj Lulzim Bashës, duke dashur të na thotë që problemi i vërtetë i tij është kryetari i PD-së dhe përplasja me Sali Berishën.
Salianji është nga ata individë që u përdor nga familja e Lulit për të sulmuar kritikët e kryetarit, për të larguar këdo që mund t’i bënte hije, ka përdorur individë të ndryshëm në rrjetet sociale e media për interest e tij meskine, mbështetës i Bashës edhe kur idiotsitë bënin MU në sytë e çdo shqiptari. Familja e shikonte si djalë punëtor dhe aksionist i palodhur, deri sa e shtrydhi dhe e hodhi mënjanë.
Salianji është bashkuar në qëndrimet e tij me linjën tonë editoriale dhe këto kohët e fundit ka qenë kritik me Bashën në ambientet konfidenciale më shumë se Mero Baze në editorialet e tij. Tani Ervinit si ka ngelur gjë tjetër vetëm të dalë publikisht ose të bëjë një akt të vërtetë dhe t’i gozhdojë të gjithë.
Ato që deklaron publikisht, t’i bëjë akte të vërteta politike. Në rast se Salianji vërtetë do të kthehet në bazë tek PD-ja dhe të garojë vërtetë, le të lërë mandatin e deputetit dhe jo një post qesharak. Lë të garojë për kryebashkiak në Maliq, bashkinë ku ka vendlindjen dhe është deputet, aty mund të tregojë sa vlen dhe të mbyllë çdo gojë kritiku.
Ai do ishte akt dhe jo këto dorëheqjet nga asgjëja./ CNA.al
