Kjo që po ndodh me Sali Berishën dhe opozitën shqiptare, është e padëgjuar më parë.
Kërkojnë të çojnë në Gjykatën e Hagës, Shqipërinë, për interes të Greqisë.
Kjo është paralajmëruar sot nga deputeti demokrat Tritan Shehu, pas takimit që deputetët e Komisionit të Jashtëm kanë mbajtur në Presidencë me Ilir Metën.
Sali Berisha kërkon me çdo kusht që të mos ketë marrëveshje të re me Greqinë dhe të qendrojë në fuqi marrëveshja e tij dhe Bashës e 2009-s, e cila është skandaloze dhe në disfavor të Shqipërisë.
Në një kohë që Greqia është tërhequr nga kjo marrëveshje dhe është gati të bëjë një marrëveshje të re, jo të shkojë në Hagë dhe ta zgjidhë në gjykatë këtë konflikt, është Sali Berisha ai që shfaqet me “grek” se grekët.
Nuk ka faj.
Është në hall të madh.
E di se me marrëveshjen e 2009-s, ka hyrë në historinë e Shqipërisë si njeriu që i fali detin Greqisë.
Dhe brez pas brezi, ashtu si Ahmet Zogu, do të përmendet në histori si njeriu që shiti interest e vendit të tij.
Ai e di mirë këtë gjë, ndaj dhe po bën çdo gjë që mos t’i mbetet kjo njollë historike.
Mimi Kodheli ndërkohë, u shpreh në emër të mazhorancës, se është absurde dhe nuk ka asnjë arsye që të shkohet në Gjykatën e Hagës.
“Padyshim që negociatat duhet të jenë të tilla që të finalizohen në të mirë të shqiptarëve. Ne kemi një eksperiencë negative nga marrëveshja që është hedhur poshtë. Ne kemi dëgjuar me vëmendje cka tha presidenti. Ndaj të njëjtin opinion me presidentin, shtyllat e diskutimit ishin; marrëveshja nuk duhet të dështojë dhe të bëhet sa më parë, sepse kështu mund të jemi më të sigurt në rrugën drejt Europës.
Grupi i negociatorëve? Nuk u futëm në diskutimin e emrave, ai është prezantuar te presidenti. Propozimi i presidentit ishte edhe dakordësia jonë ishte që grupit mund ti atashohen edhe profesorë të së drejtës ndërkombëtarë apo ekspertë, që mund të jenë këshilltarë të mirë për të diskutuar me palën greke.
Në takim nuk u futëm në diskutime mes shumicës dhe opozitës, me presidentin u dakordësuam për shumëçka. Në Hagë shkohet nëse vendet nuk bien dakord për marrëveshje, në këtë rast nuk shikoj arsye”, tha Kodheli. (TemA)
