Qeveria vendosi sot që të emërojë zonjën Xhoana Lilaj, me profesion juriste, si anëtare të Këshillit Drejtues të Autoritetit të Komunikimeve Elektronike dhe Postare (AKEP), institucion që drejtohet prej disa muajsh nga ish-zyrtari socialist Ilir Zela.
Lilaj që do të jetë njëra nga pesë anëtarët e Këshillit Drejtues të AKEP, është bashkëshortja e Dorian Duçkës, ish-zv/ministër i Energjisë dhe Industrisë, nga radhët e LSI-së.
Ai dha dorëheqjen nga detyra në shtator 2015 zyrtarisht për arsye personale. Duçka ishte njëri prej anëtarëve të KDK-së në Lëvizjen Socialiste për Integrim dhe edhe gjatë qeverisë Berisha-Meta ishte në post të rëndësishëm.
Për rreth 6 vite ai ishte koordinator i projektit të gazsjellësit “TAP” në Ministrinë e Ekonomisë.
