Ka një mijë e një arsye për të protestuar në 16 Shkurt kundër qeverisë. Edi Rama dhe “Rindja” e kanë mbushur dhe derdhur kupën.
Jo vetëm me ato që thotë PD dhe opozita, por për shumë arsye shqiptarët duan të protestojnë. Janë më shumë të varfër, paguajnë më shumë për dritat dhe ujin, kanë dyfishim të taksave, kanë më pak shkolla të reja, nuk kanë më rrugë të reja dhe investime, një buxhet shteti me më shumë taksa që vetëm vidhet më shumë. Ka pafund argumenta pse duhet protestuar kundër Edi Ramës.
Unë do protestoj edhe pse Rama na morri Lulin e futi në sqetull dhe na la pa opozitë të vërtetë, pasi e bleu dhe e shiti si mall në tregun çam.
Një proteste kundër Ramës duhet edhe sepse na bëri Ilir Metën, president dhe jemi i vetmi vend në europë që kemi në krye të shtetit një hajdut të kapur me zë dhe figurë.
Por në proteste do shkoj edhe unë me tabelën: “Jam kundër KUNATIT të Lulit!” Kjo do jetë parulla ime për Lulzim Bashën dhe familjen e tij.
Sepse ato njëmijë e një argumentat e mësipërm mi vret kunati. Mi vret familja e Lulit dhe drejtimi i tij me servile e kllouna. Mi vrasin milionat e eurove xhiro të kompanive të tyre me ata që Luli i quan “Oligarkë”, taksat që paguan gjithmonë e më pak dhe biznesi i kunatit që rrit xhiron gjithmonë e më shumë kur të tjerët varfërohen.
Sepse PD-ja ka kryetar Lulin dhe jo kunatin , Erjon Isufin dhe punetoren e tij Odetën, që ju bëjne karshillëk demokratëve në festa e fshihen pas perdes.
Do protestoj dhe unë për PD-në e vërtetë ku nuk fut turinjtë Monika Kryemadhi dhe që të shporet LSI nga opozitarizmi dhe bashkë me te dhe kunati.
Po për ata deputetë palaço e sharlatanë, që vjedhin dhe lekët e telefonave, ata deputetë që shkojnë në parlament për të shkruar mesazhe perverse erotike, apo për ata deputetë që nuk i njeh askush nga demokratët sepse nuk janë përfaqësues të tyre dhe nuk kanë folur kurre. Edhe për ata që gjoja bojkotojnë dhe pastaj marrin rrogat me gjyqe.
Në protestë për lisën e deputetëve “Made in Kunati” që Luli e bëri fshehur natën, shiti mandatet dhe e mbushi grupin e PD me ish spiunë sigurimi, hajdutë, sektin e Çilit të UET, Sorosiane e Co.
Në protestë për vjedhjen dhe manipulimin e votave të shtëpisë. Për gënjeshtrën e Lulit se u rizgjodh me 60 mijë vota i ngrirë, kur nuk ka as 1 të 5 e tyre. Për vjedhjet e votave në Kuvend Kombëtar dhe zgjedhjet në Kryesi ku humbës me 25% të votave janë drejtuesit e mi.
Do protestoj për Ennon dhe Kadillin, Ristanin dhe çdo bandill tjetër që udhëhoqën një humbje, një katastrofë elektorale dhe pasi u puthen sërish me Lulin, pasi ja u futi mirë, tani janë udhëheqës dhe në zgjedhjet e ardhshme do i kemi deputetë.
Ashtu siç do kemi çunin e Fahriut, Fahriun vetë udhëheqës por edhe Genc Pollon e racën e tyre që e çaplyen PD.
Do protestoj për të gjithë ish-drejtorët hajdutë që Luli i ka në krye ta partisë dhe çdo të paaftë tjetër që bën karrierë vetëm se i pëlqen kunatit, Odetës, gruas apo vjehrrit.
Por, më shumë se për cdo gjë, do të protestojë të çliroj PD-në nga Kunati, sepse kështu jam i bindur që bie Edi Rama, sepse nuk do kemi opozitë nga zyra e Kunatit, por parti politike që ka Kryetarin e saj të vërtetë në drejtim dhe jo atë që fle natën apo e lidh krushqia.
Me tabelë në dorë për kunatin do protestoj dhe unë, që ta lexojë dhe kuptojë Luli, megjithse ai nuk do ndryshojë kurrë. Do protestoj në 2 vjetorin e çadrës ku për 3 muaj këndoi Luli, Odeta, Kunati dhe në fund fitoi Vjehrri 16 milionë euro.
Do protestoj!
Nga një demokrat që do PD-në dhe urren Republikën e Re të Lulit.
