Çuni i Fahri Balliut, i cili ka tentuar t’iu japë zemër protestuesve të Astirit, ka deklaruar se fadromat do duhet të kalojnë mbi trupat e deputetëve të opozitës, që të prishin shtëpitë e tyre tek “Unaza e Re”.
“Do të demaskohet çdo vjedhje e qeverisë sepse Partia Demokratike nuk është këtu për të bërë deklarata, por për t’ju dhënë mbështetje këtyre banorëve dhe ta dinë se fadromat do të hyjnë këtu kur të shkelin mbi trupat e deputetëve të opozitës.
Ne çdo ditë e më shumë kemi mbështetjen e ndërkombëtarëve të cilën shumë shpejt do të shikoni që do të jetë më e hapur”, kercenoi Kleves Balliu. Por nje deklarate e tille eshte teper e njohur dhe tingellon e familjarizuar per veshet e shqiptareve, te mesuar tashme me kercenimet e opozites.
Afer nje vit më parë, ishte vetë kreu i PD, Lulzim Basha, ai qe betohej para Ministrisë së Brendshme, se Fatmir Xhafaj, do të merrte drejtimin e ketij dikasteri, vetëm nëse do të shkelte mbi trupin e tij.
“Xhafaj është xhelat i komunizmit, i veshur sot me kostumin e trafikantit të drogës, ndaj sipas tij mund të shkelë në pragun e ministrisë së Brendshme, vetëm nëse kalon mbi trupat e protestuesve”, deklaroi Basha, në kohën kur Xhafaj u emërua ministër i Brendshëm.
Ne te njejten gjatesi vale deklaron dhe çuni i Fahri Balliut, i cili kercenon se Rama do te kaloje mbi trupat e tyre per te prishur shtepite e banoreve ne Astir. Mbetet mister nese dhe kete radhe trupi i demonstruesve te opozites do te behet “autostrade” per te kaluar qeveritaret aktuale, si ne rastin e Lulzim Bashes me ish ministrin e Brendshem, Fatmir Xhafaj.
