Sot Komisioneri Publik ka apeluar vendimin për konfirmimin në detyrë të prokurorit, Adnan Kosova.
Ky veprim është ndërmarrë dhe me rekomandimin e ONM-së në të cilin thuhet se prokurori pranë Prokurorisë së Përgjithshme Adnan Kosova duhet të shkarkohet nga detyra. Sipas ONM, Adnan Kosova ka dhënë shpjegime jologjike dhe të pabesueshme lidhur me burimin e një pjesë të pasurisë së deklaruar gjatë procesit të rivlerësimit.
“Sipas pikëpamjes së ONM është e pamundur që të konfirmohet një magjistrat në detyrë, kur ia sjell shpjegime jologjike dhe të pabesueshme lidhur me burimin e një pjesë të pasurisë së deklaruar gjatë procesit të rivlerësimit. Opinioni i ONM është se kemi të bëjmë me deklarim false të origjinës së shumës ose fshehje të saj.
Edhe rast se kemi të bëjmë me një evazion fiskal, përsëri këtu ka shkelje sepse është bërë nga një zyrtar publik. ONM gjykon se në bazë të të gjitha elementeve duhet të arrihet shkarkimi i zyrtarit”, thuhet në rekomandimin e ONM.
