Çmendet’ çifti i LSI, blejnë apartament 400 mijë euro dhe vilë 600 mijë euro brenda një viti me para korrupsioni dhe trafiqesh, Prokuroria aktuale mbyll sytë dhe nuk kërkon sqarime se ku i morën paratë, ngritja e SPAK-ut mundësia e fundit për goditjen e çiftit më të korruptuar në Ballkan
Ilir Meta dhe Monika Kryemadhi, të njohur si çifti më i korruptuar në Ballkan, nuk dinë të ndalen duke sfiduar shqiptarët dhe prokurorinë, me deklarimin e pasurive të paligjshme, produkt i aferave korruptive dhe trafiqeve. Gjatë vitit 2010, kur Ilir Meta u kap me bllokun e pazarit në dorë në zyrën e Dritan Priftit, Meta dhe Monika kanë blerë dy pasuri të paluajtshme me vlerë 1 milionë euro. Duhet të kujtojmë se Meta dhe Monika, si të ardhura të ligjshme, kanë vetëm dy rroga shteti, të cilat nuk mjaftojnë as për të përballuar shkollimin e fëmijëve, veshjet, ushqimin, qiratë dhe shpenzimet e tjera për jetesë. Megjithatë, Meta dhe Monika, vetëm brenda një viti blejnë pasuri me vlerë 1 milionë euro. Pasuria e tyre e përgjithshme e deklaruar kap një vlerë prej dhjetëra milionë euro, ndërsa pasuria e fshehur në Shqipëri dhe jashtë saj dyshohet se ka vlerën e një buxheti shteti.
Konkretisht, sipas deklaratave të pasurisë, në vitin 2010, Monika dhe Meta kanë blerë një apartament tek Rruga e Barrikadave në Tiranë me vlerë rekord 400 mijë euro. Për të justifikuar deri diku këtë blerje, Meta dhe Monika kanë deklaruar 200 mijë euro kredi në një bankë të nivelit të dytë. Për të plotësuar shumën, ata kanë deklaruar edhe 200 mijë euro cash. Së pari, ligjet nuk lejojnë që një politikan të mbajë 200 mijë euro cash në shtëpi, jashtë sistemit bankar. Së dyti, këto 200 mijë euro, Meta dhe Monika nuk i kanë deklaruar më parë në deklaratat e pasurisë. Kjo tregon se 200 mijë eurot janë para korrupsioni, ndërsa kredia manovër për të justifikuar 200 mijë eurot e tjera, gjithashtu para trafiqesh dhe korrupsioni.
Por, nuk janë mjaftuar me kaq. Po gjatë vitit 2010, Meta dhe Monika kanë blerë edhe një vilë në Gjirin e Lalzit me vlerë 600 mijë euro. Gjatë një dokumentari televiziv, gjatë kohës kur Meta dhe Monika nuk kishin frikë nga drejtësia dhe nuk besonin se amerikanët do të themelonin një ditë SPAK-un, doli në pah se vila ishte superluksoze, madje kishte 12 tualete, edhe për macen e Monikës. Sipas përllogaritjeve, kjo vilë kushton rreth 1.5 milionë euro. Më vonë, Meta dhe Monika e zhdukën dokumentarin e realizuar nga Sonila Meço. Meta dhe Monika nuk justifikojnë me të ardhurat e tyre as vlerën 600 mijë euro të deklaruar dhe as vlerën e fshehur prej 900 mijë eurosh.
Shqiptarët nuk habiten nga guximi i Monikës dhe Metës për të blerë pasuri me para të paligjshme, shqiptarët revoltohen nga drejtuesja e Prokurorisë së Krimeve të Rënda, Donika Prela, e cila hesht dhe refuzon të zbatojë ligjin anti-mafia, për sekuestrimin këtyre pasurive. Çdo muaj, në zona të ndryshme të Shqipërisë, sekuestrohen pasuri që janë produkt të trafiqeve, por ligji anti-mafia nuk zbatohet në rastin e Ilir Metës dhe Monika Kryemadhit. Donika Prela e ka shumë të thjeshtë: Të marrë deklaratat e pasurisë në ILDKPKI dhe të pyesë Metën dhe Monikën se ku i kanë marrë 1 milionë euro në vitin 2010 për të blerë këto pasuri të paluajtshme. Ku i kanë marrë paratë për të lerë vilën në Golem, pallatin në Bllok, godinën e LSI dhe dhjetëra shtëpi të tjera, kur kanë vetëm dy rroga të ardhura të ligjshme. Donika Prela të pyesë Monikën se ku i ka marrë 200 mijë euro cash.
Falimentimi dhe dorëzimi i drejtësisë aktuale duket se është arsyeja se pse amerikanët ka pesë vjet që janë angazhuar në Shqipëri për të ngritur drejtësinë e re. Në një kohë kur Donika Prela ka frikë nga Monika Kryemadhi për ta pyetur se ku i ka gjetur paratë për pasuritë e paluajtshme me vlerë dhjetëra milionë euro, hetimi pasuror për Metën dhe Monikën mbetet të nisë vetëm nga Prokuroria e Posaçme dhe Byroja Kombëtare e Hetimit. Kjo është arsyeja se pse Monika Kryemadhi deklaron se do të hidhet në erë si kamikaze, ndërsa Ilir Meta herë pas herë del nga shinat dhe bën thirrje për të kapur armët./Pamfleti
https://www.facebook.com/VotoPS.al/videos/563879410780694/?t=2
