Fatos Lubonja, i ftuar në News24 për të folur si filozof për të komentuar protestën e opozitës.
Sipas tij, pati një strategji të qeverisë, për të lejuar sulmin ndaj institucionit dhe kjo u dëshmua nga lehtësia me të cilën protestuesit çanë kordonin e policisë.
Sipas Lubonjës nuk mund të quhet vandalizëm ajo ç’ka ndodhi, krahasuar me çfarë u ka bërë kryeministri qytetarëve.
“Po të isha unë, do të kisha hyrë në zyrën e Edi Ramës. Në mënyrë simbolike do t’i kisha nxjerrë pikturat, por edhe koshin e basketbollit se ajo nuk është zyra e tij private. Këtë do e kisha bërë në mënyrë simbolike. Le ta marrë vesh gjithë bota se kush qeveris. Ai e meritonte një goditje simbolike”, ka thënë Lubonja.
Por a e di Lubonja se në kryeministri nuk hyhet me dhunë por me leje?! Fatkeqësi për këtë nivel intelektual dhe mediokër që paraqesin të ashtëquajturat media që nuk kanë as një lidhje me mediat e vërteta/ Ekskluzive.al
