Familjes Berisha dhe Meta heshtin prej 24 orësh, nuk deklarojnë lëshimin e mandateve nga frika e SPKU-ut, Monika dhe dy ish-ministrat e saj Vasili dhe Haxhinasto rrezikojnë burgun, në rrezik edhe vetë Basha, Mediu, Berisha dhe Shkëlzeni
Lulzim Basha ka tronditur ‘peshkaqenët’ e krimit dhe korrupsionit në radhët e opozitës me propozimin e tyre për djegien e mandateve. Disa përfaqësues të PD-LSI e kanë përdorur dhe e përdorin mandatin e deputetit si mburojë për t’i shpëtuar prangave dhe për të mbrojtur nga kontrolli policor vilat e tyre, në të cilat kanë fshehur një pjesë të parave të korrupsionit.
Kjo është arsyeja se pse familja Berisha dhe familja Meta prej 24 orësh heshtin dhe nuk deklarojnë djegien e mandateve. Dy familjet Berisha dhe Meta, për gati tre dekadash, nuk kanë qëndruar as edhe një orë pa imunitetin e mandatit të deputetit, edhe pse drejtësinë e kanë pasur nën kontroll si dhe e kanë përdorur si tualet.
Me ngritjen e Byrosë së Hetimit dhe Prokurorisë së Posaçme, Sali Berisha, Shkëlzeni dhe Monika Kryemadhi, rrezikojnë për herë të parë të bien në pranga, nëse heqin dorë nga imuniteti. Edhe ose nuk është deputet, Shkëlzeni ka përfituar dhe përfiton nga imuniteti i Berishës, për shkak se drejtësia e re nuk mund të kontrollojë vilat dhe apartamentet, të cilat Berisha i ka deklaruar në emër të Shkëlzenit. Nëse Berishën e rrezikojnë shumë krimet njerëzore që nga 1991-2011, Monika Kryemadhin e rrezikon pasuria e saj që ka deklaruar dhe që nuk e justifikon me të ardhurat e ligjshme. Monika dhe Meta kanë deklaruar një pasuri me vlerë dhjetëra milionë euro, ndërsa si të ardhura kanë vetëm dy rroga shteti.
Me dorëzimin e mandatit, edhe Lulzim Basha rrezikon të bien në duart e SPAK-ut, për shkak të tre llogarive të hapura që ka me drejtësinë, për vjedhjen e 230 milionë eurove me Rrugën Durrës-Kukës, shitjen e detit Greqisë dhe vrasjes e 21 Janarit. Përveç Bashës, rrezikojnë burgun edhe dy ish-ministra të Monikës dhe Metës. Bëhet fjalë për Petrit Vasilin dhe Edmond Haxhinaston. Vasili ka disa dosjes gjatë kohës kur ka drejtuar Ministrinë e Shëndetësisë dhe Ministrinë e Drejtësisë, ndërsa Haxhinasto është përgjegjës për skandalin e privatizimit të Albpetrol, ku u zhduk garancia me vlerë 85 milionë euro e kompanisë mashtruese.
Djegia e mandateve rrezikon seriozisht Fatmir Mediun dhe Aldo Bumçin për shkak të Gërdecit. Mediu konsiderohet si përgjegjësi kryesor i Gërdecit, ndërsa është zbuluar se edhe Aldo Bumçi, në atë kohë ministër i Drejtësisë merrte urdhra nga Shkëlzeni për Gërdecin. As Mediu dhe as Bumçi nuk kanë dalë para gjykatës. Nga dorëzimi i mandateve rrezikojnë edhe Edmond Haxhinasto, i cili i ka dhënë prona Klemend Balilit, si dhe Genc Pollo për skandalin e tenderit të fibrave optike./Pamfleti
