Partia Demokratike ka miratuar sot vendimin e Berishës e Bashës për lënien e mandateve të tyre dhe për t’i vënë flakën Shqipërisë, duke risjellë kështu një 1997-të të dytë, që do ta kthente Shqipërinë në vitin zero. Kësaj i tremben edhe SHBA e BE, kësaj i tremben të gjithë!
Ajo që është ironike dhe tragjike në gjithë këtë histori ka të bëjë me përsonin që dirigjon gjithë këtë maskaradë e cila rrezikon të kthehet në një skenar të dhunshëm e kaotik. Në të gjithë historinë e tranzicionit shqiptar afro 30-vjeçar, politikani që i ka vënë flakën vendit sa herë ka patur hallin e vet ka qenë dhe mbetet Sali Berisha.
Në çdo rast që e ka parë veten keq, është ngritur dhe ka djegur Shqipërinë dhe ka shpëtuar veten. E ka bërë për të mbrojtur apo marrë pushtet deri dje, po e bën për për t’i ikur drejtësisë sot, bashkë me një tufë mëkatarësh që i ka patur nën këmbë kur vidhte dhe vriste Shqipërinë, duke nisur nga Basha tek Mediu, Meta etj.
Rastet kur Berisha i ka vënë flakën vendit ose ka mbjellë luftë civile janë disa, që vijojnë si më poshtë:
Rasti i parë ishte ai kur e pa veten keq pas skemave piramidale në vitin 1997, prodhoi luftën civile për të shpëtuar lëkurën e tij. I vuri shqiptarët kundër njëri tjetrit me armë në dorë vëtëm e vetëm për të shpëtuar veten, në një moment kur duhët të ishte ai që duhet të mbante përgjegjësinë absolute. Ju dha armë në duar që të vriteshin, shkatërroi vendin, por vetë ia hodhi paq.
Rasti i dytë: Siç thotë populli, vesi del me shpirtin, dhe kjo vlen në çdo rast për Berishën, i cili vetëm një vit pasi kishte vrarë Shqipërinë e shqiptarët, pasi humbi zgjedhjet organizoi një grusht shteti në vitin 1998 duke hyrë me antitank në shtator të këtij viti në kryeministri. Arsyeja? Kishte humbur zgjedhjet. Dhe për pushtet Sali Berisha të vret e është gati të vrasë edhe militantët e tij për të arritur qëllimin.
Rasti i tretë ishte ai i 21 janarit të 2011-tës. Pas skandalit të Metës që u kap me bllok në dorë, Berishës iu kërcënua pushteti, pasi skandali ishte i përmasave të tilla që do rrëzonte çdo qeveri. Sali Berisha për të mbrojtur pushtetin nuk ngurroi të vriste në mes të bulevardit qytetarë të pafajshëm. Arsyeja? Për t’iu thënë që ndaj tij nuk mund të protestohet dhe se pushteti i tij nuk mund të cënohet.
Rasti i katërt ku Berisha është akoma në tentativë për t’i vënë flakën Shqipërisë duke rikthyer 1997-ën e dytë është sot. Për t’i shpëtuar drejtësisë, ai ka djegur mandatet e partisë së tij dhe është gati që të djegë vendin vetëm që të shpëtojë lëkurën e tij.
Njëlloj si në tre rastet e para, Sali Berisha për të shpëtuar veten i ka vënë flakën vendit dhe i ka vrarë shqiptarët. Këtë po tenton të bëjë sërish sot, me dhunë e destabilitet, vetëm e vetëm që drejtësia të mos bjerë mbi të. Sepse, vesi del me shpirtin! /Flogert Muça -Lexo.al
