Deputeti Myslim Murrizi nuk ka qenë prezent në selinë e Partisë Demokratike ku u firmosën dorëzimet e mandateve.
I njohur për karakterin e tij rrebel edhe ndaj PD, Murrizi duket se nuk është aq dakord me këtë vendim.
Një orë më parë ai ka postuar një koment në Facebook ku duke përkujtuar 20 shkurtin, thotë se Shqipëria udhëhiqet nga bijtë e komunistëve që ngrohin karriget dhe të tjerë që presin të zënë karriget.
Fikja e telefonit dhe mungesa në selinë e PD duket se kanë ngritur alarmin që Murrizi nuk do pranojë të dorëzojë mandatin.
Edhe Rudina Hajdari nuk ka qenë në zyrat e PD.
Ajo ka dashur ta doërzoj mandatin dy muaj më parë, por selia e PD e quajti tradhtare.
Nga qëndrimet e saj të fundit duket se Hajdari është deputetja më pro-amerikane në Kuvend dhe për shkak të shkollimit të saj, ndoshta vendimin përfundimtar do ta konsultojë dhe më gjerë, se sa me Berishën e Bashën.
