Sipas sondazhit më të fundit në Francë, popullariteti i presidentit Emmanuel Macron gjatë muajit shkurt është rritur, duke u rikthyer në nivelin që kishte përpara fillimit të protestave të “jelekverdhëve”.
32% e francezëve mendojnë sot se Emmanuel Macron është një president i mirë, me një rritje prej 5% nga muaji dhjetor. I njëjti sondazh, shkruan Reuters, ka treguar se 55% e francezëve mendojnë se protestat e “jelekverdhëve” duhet të përfundojnë.
Këtë të shtunë ishin 46 mijë “jelekverdhë” që protestuan në të shtunën e pesëmbëdhjetë radhazi, kundër qeverisë dhe presidentit francez. Por protestat shoqërohen me akte dhune, si djegie makinash apo thyerje xhamash të dyqaneve, duke bërë që kauza e tyre të ketë më pak mbështetës në radhët e popullit./Opinion.al
