Nuk kanë qënë indiferente organet ligjzbatuese amerikane të antidrogës dhe të sigurisë për ndalimin dhe sekuestrimin e 613 kiliogramë drogë kokainë në Durrës.
Kështu, janë vënë nën përgjim telefonët e Arbri Kuliçit (Çekajt). Për të zbardhur se me kë ka komunikuar menjëherë pas kontrollit dhe sekuestros së 613 kiliogramëve kokainë ne Durrës. Njëherësh për të evidentuar se me kë ka komunikuar gjatë kohëve të fundit, ditën e sekuestrimit të drogës dhe më pas, mësohet se janë marrë nën administrim tabulatet e telefonit të tij, më saktë tre telefonave të tij që përdorte.
Burimet brenda organeve ligjzbatuese shqiptare me të cilat kanë bashkëpunuar FBI dhe DEA bëjnë me dije se janë marrë dhe tabulatet e komunikimit të telefonit të kushuririt të tij Agron Kuliçi, ish badigard i Berishës njëherësh dhe ish Zv.drejtori i përgjithshëm i policisë së shtetit gjatë qeverisjes së Berishës. I dyshuar dhe i akuzuar për bashkëpunim me trafikantët e drogës dhe dekonspirim të aksioneve të policisë.
Kabllogramet e ambasadës amerikane bëjnë fjalë për rastin e përplasjes me Dritan Dajtin në Durrës. Ku bisedat telefonike të Agron Kuliçit të kohëve të fundit do zbardhen deri në detaje. Për të parë mos ka pasur ndonjë lidhje apo komunikim të dyshimtë në vitin e fundit dhe pas sekuestrimit të kokainës në Durrës me kushuririn e tij Arbri Kuliçi. Të cilin e bëri me kompani kur ishte vetëm 20 vjeç, me kompaninë e bananeve “Arbri-Grande”, e cila kishte kontenierin ku u gjet droga kokainë.
Mësohet se janë vënë nën përgjim dhe telefonat e Agron Kuliçit. Por është marrë dhe tërë dokumentacioni i lëvizjes së kohëve të fundit përmes kufirit dhe të dhënat e sistemit TIMS për Kuliçët, por dhe për ata që dyshohet se janë koka e këtij trafiku.
Nga ana tjetër, pa bërë me dije emra, burime nga organet ligjzbatuese shqiptare bëjnë të ditur se janë marrë dhe tabulatet e disa politikanëve dhe familjarëve të tyre, nëse kanë komunikuar me Kuliçët para se të ndalohej ngarkesa e kokainës apo pas saj.
Nga ana tjetër, Agron Kuliçi dihet se është një kamikaz dhe shërbëtor i Berishës në të gjitha aspektet. Ndërsa kushuriri i tij Arbri Kuliçi përmes kompanisë së bananeve ka përfituar miliona nga grantet e BE përmes ish ministrit të Bujqësisë së LSI Edmond Panariti, njeriu më i afërt i Metës. Ku marrëveshja është e nënshkruar nga ish drejtoresha e AZHBR, bashkëshorte e deputetit të LSI Vangjel Tavo.
Njëherësh mësohet se për të gjitha këto fakte FBI dhe DEA amerikane e antidrogës ka informacion të detajuar.
Sipas burimeve zyrtare mësohet se pas sekuestrimit të 613 kg kokainë në Durrës pak ditë më parë, dhe në portin Durrësit kanë zbarkuar ekspertët e DEA-s amerikane.
Media ka siguruar pamjet e makinës së agjentëve të DEA-s në portin e Durrësit para dy ditësh. Qëllimi i mbërritjes në port mësohet se ishte verifikimi i procedurave të lidhura me sekuestrimin e 613 kg kokaine.
Agjentët janë të Byrosë së Athinës që mbulon edhe vendet e tjera të Ballkanit. Ekspertët janë takuar me strukturat policore dhe doganore.
Agjentët e DEA-s kanë kontrolluar mënyrën e procedimit të agjencive në portin e Durrësit në lidhje me hetimin e kokainës. Njëherësh kanë marrë dhe të gjithë dokumentacionin e nevojshëm. Gjithë qëllimi është se kush qëndron prapa këtij trafiku të përmasave të mëdha të kokainës kolumbiane në Shqipëri./Pamfleti.com
