“Plagë në gjysmëshpirt” është kënga më e re me të cilën vijnë çifti i njohur dhe i dashur për publikun shqiptarë, Miriam Cani dhe Alban Skënderaj prezantimin e të cilit ky i fundit e ka bërë me disa fjalë mjaft prekëse në rrjetet sociale duke ndarë me fansat mesazhin dhe dedikimin emocionues.
Albani shkruan se tekstin e këngës së sapo nxjerrë në tregun muzikor e ka shkruar 10 vite më parë në një kohë kur Miriamit i kishte vdekur e ëma dhe ai thotë se në ato rreshta përmblodhi gjithë dhimbjen e bashkëshortes së tij për personin e shtrenjtë të saj.
Por akoma më prekëse bëhen fjalët e këngëtarit të njohur kur thotë se përpara 2 vitesh edhe mamaja e tij iku nga kjo botë dhe ndjenjat e tij janë pasqyruar në vargjet e këngës të sapo bërë publike.
“Na mungojnë çdo ditë dhe sado koha të kalojë këto plagë nuk do mbyllen kurrë plotësisht. Ne nuk jemi aspak të veçantë, nuk kemi imunitet nga dhimbja, jemi njerëz si të gjithë dhe sipas nesh, misioni më i madh i një artisti është të shkruaj këngë që sado pak i bëjnë njerëzit të mos ndihen vetëm, si në gëzimin ashtu edhe në dhimbjen e tyre”, shkruan Albani në rrjetet sociale.
Postimi i plotë:
Duhet te pranoj se ky dimer ka qene i ftohte si ne zemer ashtu dhe ne frymezim per mua. Duke ardhur pranvera e duke celur lulet e para rritet dhe deshira per jeten e per te krijuar muzike me energji pozitive por para se te nis kete kapitull te ri kam ende nje kenge qe dua te ndaj me ju. E kam shkruar SAKTESISHT para 10 vitesh edhe pse ka qene gjithmone me shume e Miriamit se sa e imja si kenge.
E kam shkruar menjehere mbasi nena e saj e dashur u largua papritur dhe teper e re nga kjo bote. Une hodha ne vargje e muzike dhimbjen e Miriamit dhe pse perjetimi ishte i forte edhe per mua. Nenen e saj e kujtoj si nje njeri te jashtezakonshem qe kujtdo i dhuronte vetem buzeqeshje dhe miresi. Miriami nuk ka mundur dot asnjehere ta kendoje per shkak te emocioneve por c’eshte e verteta te dy, ndoshta gabimisht, kemi menduar qe dhimbje te tilla kaq te thella dhe personale nuk ka nevoje te ndahen me publikun por duhen mbajtur per vete dhe me vete.
U bene gati 2 vite qe une kam humbur nenen time tashme dhe ne momente te veshtira, kur nuk kam mundur dot te gjej asnje pergjigje, me shume se kurre ndjenjat e mia jane pasqyruar ne keto vargje. Na mungojne cdo dite dhe sado koha te kaloje keto plage nuk do mbyllet kurre plotesisht. Ne nuk jemi aspak te vecante, nuk kemi imunitet nga dhimbja, jemi njerez si te gjithe dhe sipas nesh, misioni me i madh i nje artisti eshte te shkruaj kenge qe sado pak i bejne njerezit te mos ndihen vetem, si ne gezimin ashtu edhe ne dhimbjen e tyre.
Ndaj vendosem kete kenge dhe keto ndjenja ti ndajme me ju.
