Lubonja i ftuar në emisionin”Të paekspozuarit” në “News 24” tha se në kohën që Edi Rama ka qenë në opozitë, ka pasur një televizion të madh me vete, kurse më 2019, thuajse gjithë mediat e mëdha janë me kryeministrin.
“Mediat në kohën që Berisha kishte pushtet, njëra prej tyre, e madhe madje ishte me ish-kryeministrin, kurse tjetra ishte me Edi Ramën. Madje, Rama edhe 21 janarin e bëri të bujshme me median e vet kur ishte në opozitë. Kurse sot, Rama ka thuajse gjitha mediat me vete dhe kjo gjë të frikëson. Edhe unë e kam shkruar se kryeministri aktual është i sëmurë psikik. Rama ka mbyllur gojët e gazetarëve duke kapur mediat më të mëdha të Shqipërisë. ”, tha Lubonja.
Ai shtoi se Edi Rama ka hapur edhe një televizion privat, ERTV, gjë që nuk e bën as Chavesi.
“Edi Rama ka hapur edhe një televizion privat me emrin ERTV. Këtë gjë as Chavesi në Venezuelë nuk e ka bërë. Chavesi del në televizion publik dhe i flet popullit”, tha Lubonja.
Për Lubonjën, në Amerikë i është bërë psiko-analiza Donald Trumpit dhe ka dalë se është i paaftë të dëgjojë kritikën. Ndërsa, shtoi Lubonja, Rama këtu në Shqipëri ka mbyllur gojët e gazetarëve, duke kapur mediat më të rëndësishme. Sipas Lubonjës, Rama me atë gjuhë ndaj mediave, shantazhoi gazetarët.
