Nga Anri Bala
Lulzim Basha sot ishte në Shkodër, për të marrë pjesë në një përkujtimore të rëndësishme siç është “2 Prilli”, por vizita e tij është e turpshme dhe fyese, kur mendon se nderin e xhenazes së Shqipërisë, nën moton “E duam Shqipërinë si gjithë Europa”, ta bënë pikërisht një politikan i akuzuar për vrasje, ende i pagjykuar, ende i padënuar, e kur askush nuk do ta besonte, se do të ndodhte një krim i tillë shtetëror, 20 vite pas 2 Prillit 1991.
Historia e 2 Prillit është pothuajse e paqartë dhe një skenar i dyshimtë, e megjithatë, ish drejtuesit e policisë së asaj kohe u dënuan dhe kryen dënimin e tyre, ndërsa vrasësit e 21 Janarit dhe hjeksit e 2 Prillit, vazhdojnë të sillen vërdall si hijena, duke shfrytëzuar mosfunksionimin e drejtësisë.
Sot, kur Lulzim Basha puthi nënën e Arben Brocit, sapo “pështyu” në fytyrë nënën e Hekuran Dedës. Sot, kur vrasësi i 21 Janarit fliste pa u trembur dhe si engjëll para familjarëve të 4 viktimave të “2 Prillit”, kushdo duhet të ndjehet i fyer nga drejtësia dhe shteti, se përse një mostër që ka në kurriz krimin e rëndë të vrasjes së qytetarëve të pafajshëm, të shitjes së vendit, të vjedhjes së milionave, të mashtrimit me para të zeza për të nxirë Shqipërinë, korrupsion masiv nga ndërtimet dhe deri tek lejimi i shkatërrimit të Tiranës dhe përvetësim pronash pa asnjë leje apo dokument ligjor… nuk është prapa hekurave?!
Kushdo duhet të ndjehet i fyer, kur shikon një qenie hibride si ai, të rrëmbejë partinë e idealeve, për të cilën dhanë jetën katër heronjtë e demokracisë dhe tallet me të afërmit dhe miqtë e tyre, duke sulmuar ata që nuk kanë vrarë askënd dhe kanë qenë në krahun e tyre, kur ky mostër bënte mashtruesin nëpër kurse, që sot i quan universitete të huaja, për tu shfaqur një ditë si kopili i ulur në prehërin e pushtetit, si figura më e njollosur dhe më e poshtër e demokracisë.
Ky majmun imitues, sot guxon, sepse shteti nuk funksionon dhe lejon kriminelin të lehë me zërin e heroit shpëtimtarë dhe ato dhjetra qytetarë që e dëgjojnë, nuk i’a fusin gjuhën në gryke, kur e dinë mirë, se vetëm ai, ekzekutori i 21 Janarit, nuk mund të flasë sepse përfaqëson hjeksat e 2 Prillit.
Ndaj hesht Lulzim, sepse shumë shpejt do lulëzojë drejtësia dhe heshtja nuk ka për të vlejtur por as pendimi, sepse ti nuk pendohesh por tmerrohesh me fundin që po të vjen dhe nuk ka turma bashkie, si ato që të dëgjonin sot, që mund të të shpëtojnë. Ti thërret dhe ulëret kundër kujtdo, që nuk ka as një të qintën e barrës së zezë që rëndon mbi shpatullat e tua, duke mos e kuptuar, se po zhytesh edhe më thellë në gropën që i ke hapur vetes.
Sot më erdhi keq sinqerisht për ata djem që po nderoheshin nga ti, një figurë anonime që as nuk e dinin që ekzistoje. E nëse do të jetonin dhe do të të kishin parë se kush je dhe çfarë ke bërë, jam i bindur, se ti nuk mund të shkelje në Shkodrën loce, edhe sikur të të shoqëronte bajlozi Berisha.
Sot shkove dhe mashtrove, thërrite, ulërite me zërin e papagallit, që kujton se është bilbil i veshur me pend korbi, që ndjell mort si në 2 Prill. Por tani jo nga hjeksit, por nga autorët e 21 Janarit, gjë që as që mendohet të ndodh, sepse nuk ka viktima për plaçkën e hajdutëve.
Budallenjtë kanë vdekur, sot po “lindin” inteligjentë, që presin të hakmerren për fyerjet, mashtrimin, vjedhjet, vrasjet dhe poshtërimin që u është bërë, duke mos lejuar që të rikthehen dhe riciklohen hjeksat dhe vrasësit. Sot fole në vendin e krimit, nesër proteston në vendin e krimit, por pasnesër do qash në vendin e ndëshkimit… qeli!Ekskluzive.al
