Erik Fullani është një nga djemtë më të komentuar në rrugicat e Bllokut. Ai është djali i ish-gurvenatorit i cili u akuzua për vjedhjen galopante që bëri tek Banka e Shqipërisë.
Falë gruas gjyqtare, Fullani doli i pafajshëm madje mori edhe 36 rroga shtesë. Epo kjo është meritë! Edhe pse u zhdukën 713 milion lekë nga banka, Fullani shpërblehet me 36 rroga shtesë.
Ditën e sotme le ta anashkalojmë Ardianin dhe të merremi me Fullanin Junior. Fullani Junior u bë i famshëm nga ‘shamia’ 500 euroshe me të cilin fshinte djersët, atëherë kur ai peshonte 500 kilogram. Junori pëlqehet dhe për fat të keq po merret shembull nga shumë të rinj. Kjo është vërtet një problem i madh social dhe shoqëror.
Persona që në jetën e tyre vetëm kanë parazituar po bëhen idhull të një rinie, që për fat të keq nesër do të jenë drejtues të ardhshëm të vendit. Eriku nuk ka punuar një ditë të jetës së tij madje as nuk ka përfunduar studimet e larta. E vetmja gjë që ai e bën shumë mirë është të shpenzojë paratë që i ati i ka vjedhur me djersë dhe me mund.
Ashtu sipas modes edhe Juniori i Fullanëve ka hapur një restorant në qendër të Bllokut, ku shpesh herë është cilësuar edhe si ‘Qebtorja e luksit’. Aty mblidhen dhe pjeshkërojnë ‘pjeshkat’ e Bllokut të cilat mezi presin që të bijnë në grepin e ndonjë ‘laci’.
Përveç vjedhjes së të atit dhe hapjes së restorantit, Eriku ka bërë telenovelë turke edhe me lidhjen e tij dashurore me vajzën e bisnezmenit dhe së fundmi me lidhjen akoma të pakonfirmuar më vajzën e politikanës së njohur Majlinda Bregu. Mjafton të shohësh faqen e tij personale në “Instagram” për të kuptuar se çfarë jete bën djali i Ardian Fullanit, megjithëse nuk ka punuar as edhe një ditë në jetën e tij.
Në fotot e publikuara ai gëzon makina super të shtrenjta, celularë floriri, koleksionr orash nga markat më të shtrenjta, madje edhe djersët i fshin me kartëmonedha 500 euro. Eriku ka berë një ndryshim të madh në jetën e tij. Ka humbur peshe në mënyrë drastike.
Ndërkohë që i biri i Ardianit hiqte dhjamin në bark atij i fryhet kuleta. Dhe sot asnjë nga institucionet nuk ka verifikuar se si një 25-vjeçar shpenzon miliona lekë me udhëtime, ora, veshje dhe makina luksi. Kush është burimi financiar i Erikut, tashme me babin të papunë dhe me nënën gjyqtare? A do të jenë fëmijet e gjyqtares pjesë e Vettingut?
Si do t’i justifikojë shpenzimet milionshe të fëmijëve të saj? Institucionet përgjegjëse të verifikojnë se si i sigurojnë këta të rinj jetën e një ‘sheiku’, ku babai është i papunë dhe nëna është gjyqtare, me çfarë të ardhurash jetojnë të zhytur në luks.
Ndërkohë që ministria e Financave, zyrat tatimore, po ‘zhdepin’ dhe po mbyllin qindra biznesa të vogla në gjoba për evasion fiskal, t’i hedhin sytë nga këto personazhe që me siguri as ujë e drita nuk paguajnë. Se taksa dhe kupon tatimor as që bëhet fjalë. Drejtësia të veprojë. /Pamfleti
