Agim Dita
Hollanda kërkon rikthimin e vizave për shqiptarët. Nuk është ndonjë thagmë nga një popull që jeton në realitet diametralisht të kundërt me mendësinë tonë.
Vendlindja e Rembrandit, Van Gogut, Mondrianit, Keiserit dhe shumë emrave të ndritur në të gjitha fushat është nga vendet e pakta që në themel të zhvillimit ka pasur demokracinë.
Si një vend me monarki kushtetuese nga viti 1815 dhe demokraci parlamentare nga 1848, kultura demokratike ka qenë një nga parimet bazë të ekzistencës së këtij shteti.
Pa llogaritur që një sërë gjykatash të rëndësisë së veçantë ndërkombëtare zhvillojnë aktivitetin e tyre në truallin hollandez.
Organizata për Ndalimin e Armëve Kimike dhe pesë gjykata ndërkombëtare:
Gjykata e Përhershme të Arbitrazhit, Gjykata Ndërkombëtare e Drejtësisë, Tribunali Penal Ndërkombëtar për ish-Jugosllavinë, Gjykata Ndërkombëtare Penale dhe Tribunali special për Libanin janë institucione të rëndësisë së veçantë për Europën dhe mbarë botën.
Nisur nga historiku i këtij shteti dhe mendësia e hollandezëve, nuk përbën ndonjë çudi vendimi i parlamentit për heqjen e vizave shqiptarëve.
Demokracia hollandeze nuk mund të pranojë njerëz me `bisht` si shqiptarët të cilët imbarkohen në kamionë, autobuzë dhe hiqen si turistë kur nuk janë të tillë.
Këtë fakt e paska konfirmuar një deputete, e pas saj dy të tretat e parlamentit kanë konfirmuar që kriminaliteti shqiptar duhet bllokuar me heqje vizash.
A bllokohet krimineli pas kësaj mase drastike? Në fakt kriminelët janë personazhe me dhjetëra identitete dhe viza është masa preventive më e dobët për ti bllokuar. Kriminelët do shkojnë në Hollandë, do shumëfishojnë krimet dhe do jenë totalisht jashtë monitorimit në rast të një bllokimi informacioni me shtetet e origjinës.
Fatkeqësi që kultura demokratike hollandeze në rastin konkret ka treguar se është miope në këtë aspekt, ose shfrytëzon kriminalitetin shqiptar, si argument për të përfituar kredo politike në një vend që është planet më vete në raport me mendësinë, kulturën, mikpritjen dhe vlerat e shkëlqyera shqiptare.
A kemi probleme ne shqiptarët?
Pafund.
Kemi kriminalitet, vrasës, hajdutë, pederastë, perversë në raport plus a minus me qenien njerëzore në gjithë globin. Kemi artistë të shkëlqyer, piktorë, pianistë, këngëtarë , shkrimtarë shkencëtarë që kanë dhënë toninnë zhanret përkatëse në fondin e kulturës botërore.
Padyshim që jemi shumë krenarë për ta ashtu siç edhe jemi krenarë edhe për atë masë biznesmenësh, administratorësh, intelektualësh që janë pafund në këtë vend të mrekullueshëm.
Më lind sërish me të drejtë pyetja nëse kemi probleme ne shqiptarët? Po kemi. Kemi Lulin, Saliun Monikën, Liken e shumë dhe një pjesë e madhe e politikëqenërisë që luan me interesat e qytetarëve shqiptarë, me fatin e tyre dhe orgazmohen me rikthimin e vizave ndaj qytetarëve shqiptarë për ti heqyr një liri themelore të të drejtave njerëzore. Lirinë e lëvizjes së lirë.
Neveri për këtë klasë politike por dhe për atë tufë hollandezësh të ndyrë që luajnë me një komb të tërë për interesa të vogla meskine. Pvarësisht kulturës demokratike, ky komb ka treguar më së miri fytyrën e vete antihumane, kur ushtërt e tyre lëshuan 300 boshnjakë në duart e kriminelëve serbë për ti therur si lopë dhe më pas lanë duart si Ponc Pilati, kur kishin detyrë të mbronin dhe ruanin paqen në Bosnje.
Smë bëjnë çudi hollandëzët kur shikoj dhe një përfaqësues të tyren në politikën shqipatre që me ndyrësinë e tij shfaq çdo ditë urrejtje për kombin tim.
