Elona Bici, është vajza, fotoja e së cilës është publikuar ditën e djeshme, por me emrin Edlira Bici për lidhje me grabitjen e ndodhur në Rinas në 9 prill 2019. Në të dhënat e vajzës, identiteti i së cilës u publikua ditën e djeshme, thuhet se ajo është ish-efektive policie dhe ka ndihmuar grabitësit e Rinasit për të shpërqëndruar policinë duke djegur një furgon në Bathore.
Bici (vajza e fotos) thotë se ka konkurruar në Akademinë e Policisë në vitin 2014 ka kaluar testin teorik dhe nuk ka mundur te kalojë testin fizik. Ajo është 31 vjece dhe thotë se jeton ne Gjermani prej nje viti, dhe se nuk ka lidhje me ngjarjen.
Klan Plus ka biseduar me gjyshen e vajzës qe e ka rritur pasi prindërit e saj nuk jetojnë më. Gjyshja ndodhet në Elbasan, ndersa ne nje lidhje me skype nga gjermania Bici thotë se nuk i njeh grabitësit dhe se nuk ka asnjë lidhje me ngjarjen.
Ndersa policia nuk e ka deklaruar zyrtarisht të shpallur në kerkim ish-efektiven që flitet se ka lidhje me ngjarjen, nuk dihet nëse publikimi i fotos nga burime të hetimit, është e qellimstë nga autoritet, apo nëse behet fjalë per nje ngatërrese te thjeshte.
Ajo që dihet është se fotoja ka rënë në duart e gazetarëve nga burime të grupit hetimor në prokurori qe po punojnë për zbardhjen e grabitjes në Rinas.
Nuk dihet nese ndonjë prej hetuesve të ketë gabuar pa qëllim, për shkak se fotoja që ka qarkulluar në media rezulton në dosjen e policisë në momentin që ajo ka konkurruar për tu bërë pjesë e uniformave blu.
Edhe pse nuk shpallen fituese, dosjet e aplikantëve, mes të cilave eshtë edhe fotoja, mbeten.
Pritet qe hetimet të zbardhin atë se cfarë ka ndodhur me foton e ish- efektives që akuzohet dhe kërkohet si bashkëpunëtore për grabitjen në Rinas.
Ngatërresen (e qellimte ose jo) mund ta zbardhin duke pyetur Bicin e cila ndodhet në Gjermani, pasi ishte puna gazetareske që zbuloi që vajza e fotos nuk kishte punuar kurrë ne polici.
