Nikoll Lesi, në një shkrim të botuar në gazetën “Koha Jonë”, e cila prej kohësh është bërë tribuna mediatike e LSI-së, ka bërë një kërcënim publik.
Ndërsa komenton protestën që pritet të mbajë opozita më 11 maj, Lesi thotë se Shqipëria do të digjet nga Basha dhe Kryemadhi.
Ai u bën thirrje ndërkombëtarëve të ndërhyjnë para 11 majit, pasi sipas tij me 12 maj do të jetë tepër vonë.
“Nëqoftëse deri me datë 10 maj kryeministri Rama nuk gjen rrugën e arsyes, atëhere do të ketë përplasje nga e cila do pendohemi, të nesërmen me 12 maj. Ndërkombëtarët duhet të ndërhyjnë shpejt, pasi më pas nuk ka “operacion ALBA” që shpëton sherrnajën në vend.”-shkruan Nikoll Lesi.
Sipas Nikoll Lesit, protesta e radhës e opozitës, e planifikuar për në 11 maj, pritet të jetë krejt ndryshe nga ato që janë zhvilluar deri më sot.
“Tre muaj nga djegia e mandateve të deputetit duket se opozita ka vendosur të radikalizojë qëndrimin e saj duke kaluar në thirrje për ta larguar me çdo kusht kryeministrin.”-shkruan Nikoll Lesi.
Më tej, ai kërcënon edhe me luftë, ndërsa shkruan se “e vetmja mënyrë për të ndërgjegjësuar qeverinë është që protestat të mos jenë më thjesht manifestime. Përballë një qeverie që dhunon qytetarët dhe po shkatërron çdo qelizë të demokracisë në vend, tubimet herët apo vonë do të kthehen në revoltë.
Për dreq, ne shqiptarët, revoltën e plasim e kthejmë në luftë!
Dhe testi se sa mund të durojnë shqiptarët eksperimente në kurrizin e tyre është me 11 maj.”
Sipas tij, “Basha e paralajmëroi se në Shqipëri nuk ka më çështje politike me qeverinë, por një betejë me krimin dhe bandën që sipas tij drejton qeverinë. Të njëjtin qëndrim me PD ka dhe LSI, partia e dytë në koalicionin opozitar, e cila ka kërkuar prej kohësh përshkallëzimin e aksionit opozitar. Bile Monika Kryemadhi ka kërkuar që nëse Rama nuk hap udhë një qeverie e cila të garantoje stabilitet dhe zgjedhje të lira, atëhere populli ta tërheqë zvarrë si bustin e diktatorit Enver Hoxha.”
Por Lesi i djegur nga bandat e Bashës…nga ati i tij dhe partia që ai përfaqëson, nuk paska kuptuar asgjë se çfarë ndodhi pas përplasjes së 98,’ që organizuan po këta pushtethumbësit kriminel, një katastrof për gjithë ata që donin pushtet me dhunë.
Kurse në Shqipri nuk ka popull të Lulzim Bashës dhe Monika Kryemadhit, por qytetarë që votojnë, por dhe bandat që u shërbejnë këtyre dy plehrave, që nuk kanë asnjë lidhje me popullin. Më datën 12 Maj Nikolla do ndjehet keq si argat dhe bashkëpunëtorë dhe me siguri me hekura në duar, nëse “populli” i tij guxon dhe sulmon shtetin bashkë me Lulin dhe Monikën.
