Loredana Zefi është liruar pasi mbrëmjen e së martës (7 maj) është a.rrestuar nga policia zvicerane, nën akuzën e k.ërcënimit dhe zhvatjes së një çifti bashkë me të vëllanë Beratin.
“DeinUpdate” konfirmon se pas marrjes në pyetje nga policia, Loredana është liruar.
“Informacione të reja për çështjen e Loredanës, pasi të martën u mor në pyetje nga policia, janë publikuar.
Kjo është vërtetuar nga gjykatësi”, thuhet në raportin e “RapUpdate”.
Sipas njoftimit, zëdhënësi i policisë, Simon Kopp deklaroi se nuk ka rrezik se këngëtarja mund të largohet.
Ajo është marrë në pyetje të martën dhe ka vazhduar edhe sot të japë deklarata.
Loredana dhe vëllai i saj i madh Berati, thuhet se i kanë marrë para shtetases Petra Z. 52 vjeçe dhe bashkëshortit të saj Hans 53 vjeç.
Reperja akuzohet se i ka zhvatur shtetases zvicerane rreth 700,000 franga, kurse vëllai i saj, Berati për 200,000 franga, që në total kapin shifrën e 900.000 frangave.
“Më kanë mashtruar, shantazhuar, detyruar dhe kërcënuar”, thotë Petra Z. në një intervistë për median zvicerane “20min.ch“.
