Gjykata për Krime të Rënda ka ndryshuar liruar dy nga të arrestuarit si pjesë e grupit të “Bajri”, të arrestuar në shtator të vitit 2018. Pas 7 muajsh hetime, Prokuroria e Krimeve të Rënda nuk mundi të faktojë se Klaudio Hoxhalliu dhe Denis Brajoviç nuk janë pjesë e grupit “Bajri”, i cili u godit në Shtator të vitit të kaluar, duke arrestuar 11 persona.
Në këtë mënyrë togat e zeza kanë ndryshuar masën e sigurisë ndaj tyre nga “Arrest me burg” në “Arrest shtëpie”. Arrestimi i tyre u bë pasi sipas dosjes së Prokurorisë, Hoxhalliu, në mënyrë të vetëdijshme i ka krijuar kushte për strehim dhe lëvizje Safet Bajrit, i cili ka qenë person nën kërkim nga policia dhe pjesëtar i rëndësishëm i grupit. I njëjti argument është përdorur edhe për Denis Brajoviç.
Sipas policisë, asokohe Hoxhalliut iu gjet një armë dhe një thikë, ndërsa u akuza edhe për ndihmë të autorit të krimit. E ndërsa për 8 muaj u la në burg, Klaudio Hoxhalli insistoi duke kërkuar ndryshimin e masës dhe lirimin nga qelia, kërkesë e cila u pranua nga gjykata duke i ndryshuar masën e sigurisë. Togat e zeza thonë se bazuar te akti i ekspertimit, Klaudio Hoxhalliu nuk rezulton që të jetë i përfshirë me grupin ‘Bajri’.
Pas mosgjetjes së provave ndryshimit të masës së sigurisë mësohet se dosja në ngarkim të Klaudio Hoxhalliut dhe Denis Brajoviç, është veçuar nga ajo e anëtarëve të tjerë të bandës. Disa muaj më parë u ndryshua masa edhe për Elis Gurin, Emrah Plaku si dhe Armir Grimën të cilët gjithashtu ndodhen në arrest shtëpie.
Hetimet dhe operacioni “OAZ”
Në shtatorë të vitit 2018 Policia e Shtetit në bashkëpunim me Prokurorinë e Krimeve të Rënda goditën një nga grupet kriminale më të rrezikshëm në vend atë të Bajrave duke vënë në pranga disa persona. Operacioni për kapjen e tyre u shtri në Tiranë Shkodër dhe Rotherdam. Gjatë operacionit të koduar “Oazi”, në pranga përfunduan, Behar Brajoviç (Bajri); Samet Halluni; Ilir Rustemi; Emrah Plaku; Astmer Bilali; Armir Grimaj; Safet Rustemi (Bajri); Fabiol Rexhepi; Ismet Idrizi; Denis Brajoviq dhe Klaudio Hoxhalliu.
Përveç të prangosurve si “ushtarë”, mes të arrestuarve janë edhe Safet Bajri, i konsideruar mes njerëzve kryesorë të bandës dhe i vëllai Ilir Rustemi, gjithashtu me të njëjtin rol. Gjithashtu në sajë të këtij operacioni disa muaj më pas u arrestua në Spanjë Enver Bajri dhe 34-vjeçari me inicialet, N. H., 34 vjeç. Nga hetimet rezulton se është e provuar se në javët e fundit, antarët e këtij grupi kriminal kanë kërcënuar për dhënien e disa shuma të konsiderueshme parash.
Në deklaratë e tij për mediat drejtori i Policisë së Shtetit, theksoj se ky grup është i dyshuar dhe po hetohet për ngjarjet e fundit kriminale në kryeqendrën e veriut. Sipas burimeve, gjobat e vendosura kohët e fundit, fillimisht u njoftoheshin të dëmtuarve nga Behar Bajri. Behari jam, u thoshte në telefon i dyshuari dhe më pas viheshin në lëvizje të tjerët, të cilët, siç rezulton nga përgjimet e shumta, i vendosnin afat të dëmtuarve në disa raste edhe me frazën “e mira është mos ta vonosh porosinë”. E provuar sipas prokurorisë është edhe akuza për dy vrasje, sikurse edhe e 15-vjeçares Fabiola Bajri, bashkëjetuese e njërit prej të dyshuarve.
Vrasja e saj u raportua si vetëvrasje 20 vjet më parë, edhe pse gruaja ishte qëlluar me një plumb, ndërsa edhe pas të shtënave arma u gjet me fishekë gati për qitje. Krimi i dytë dyshohet se është kryer për shkaqe banale.
Mes të arrestuarve është edhe ish-portieri Armir Grimaj. Ai dyshohet për trukimin e ndeshjes Vllaznia-Tërbuni, një ndeshje e zhvilluar në muajin maj dhe e mbyllur me rezultatin 2-1, ashtu siç tregon në përgjimet ambientale Safet Bajri, kur flet për të ardhurat nga ndeshja.
Nga ana tjetër, prokuroria po heton edhe për pastrim parash, një vepër që ka dyshime se kryhej përmes fajdeve. Nën hetim pasuror janë edhe pasuritë e të dyshuarve, mes të cilave edhe dy biznese.
Elvis Myrta
