Një pjesë e parlamentit holandez kërkon të përjashtojë shqiptarët nga lëvizja pa viza drejt Holandës, pasi sipas tyre krimi i organizuar shqiptar është kthyer në një problem serioz për vendin.
Top Story ka mbërritur në Holandë për të investiguar më tepër rreth kësaj kërkese dhe pretendimeve të parlamentit.
Përmes intervistave Top Story sjell situatën krejt ndryshe nga panorama që të shfaqin këta deputetë anti-emigrantë dhe mediat holandeze. Top Story dokumenton se shumë pak njerëz i njohin shqiptarët, të cilët përbëjnë më pak se 0,0001 % të popullsisë prej afro 17 milion banorë të Holandës ku gati 20 % janë me origjinë jo holandeze.
Top Story zbulon dhe verifikon se Shqiptarët nuk janë populli që mund të konsiderohet si grupi më i madh në trafikun e kokainës, madje sipas statistikave është Gjermania ajo që qëndron në krye të listës.
Top Story arrin të infiltrohet në dhomat ku bëhet kultivimi, rritja dhe më pas korrja e kanabisit dhe drejtohej nga një maroken. Top Story udhëtoi edhe në disa qytete në Holandë, për të parë se si disa emigrantë nga Shqipëria kanë ngritur punën e tyre, janë sipërmarrës dhe punojnë me djersën e tyre.
