Gjykata e K.rimeve të Rënda shtyu për të dytën herë seancën gjyqësore ndaj ish Ministrit të Brendshëm, Saimir Tahiri. Në një deklaratë për mediat, ish ministri u shpreh se do vazhdojë të kërkojë mbylljen e gjyqit sa më shpejt. “Keq më vjen që u shty prapë. Unë do vazhdoj të kërkoj gjithmonë një gjyq sa më të shpejt se nuk ka më terezi njeri që ky gjyq të zgjatet kaq shumë. Shqipëria ka ecur para vetëm gjyqi im ka ngecur”, tha Tahiri. Ashtu si në 19 qershor, edhe sot seanca dështoi pasi një prej të pandehurve nuk kishte marrë dijeni. Deri në 17 korrik, tha Gjykata do të vazhdohet me kërkimet për ish policin Gjergji Kohila dhe do të përsëriten njoftimet edhe për Sokol Boden. Ish ministri mbërriti në gjykatë rreth orës 09:00 shoqëruar nga avokati i tij, Maksim Haxhia.
Tahiri i irrituar i bënë thirrje drejtësisë: Shqipëria po ecën para, vetëm gjyqi im ka ngecur!
