Shqipëria është një nga vendet e cila ka një numër të lartë të emigracionit të popullsisë, të cilët largohen në drejtim të vendeve të tjera të Europës. Arsyeja kryesore e largimit të tyre, lidhet me gjetjen e një pune ku ofrohen paga më të larta dhe kushte më të mira. Ekspertja e emigracionit, Eda Gemi, është shprehur mbrëmjen e sotme në studion e emisionit “Opinion”, se që nga viti 2011 deri në vitin 2018, rreth 200 mijë emigrantë shqiptarë kanë marrë shtetësinë greke.
Sipas ekspertes, shtetësia greke u krijon emigrantëve shqiptarë që të lëvizin me lehtësi në vende të tjera të BE.
Eda Gemi, eksperte emigracioni: Kemi edhe një pjesë tjetër të emigrantëve, të brezit të parë dhe të dytë, që kanë marrë shtetësinë dhe aktualisht janë në përqendruar në Londër dhe në Bruksel. Nga viti 2011 deri në vitin 2018 janë rreth 200 mijë shqiptarë që kane marrë shtetësinë greke, gjë që i bën potencialisht mobilë, të lëvizshëm në BE. Përllogaritet që 35 mijë emigrantë të brezit të dytë në Greqi, aktualisht jetojnë në Londër dhe në Bruksel.
Blendi Fevziu: 35 mijë, pra fëmijë të emigrantëve. Po ashtu, ekspertja deklaroi se ka dhe një tjetër kategori të emigrantëve shqiptarë në Greqi, të cilët pajisen me një leje qëndrimi 5-vjeçar. Kjo leje u jep mundësin atyre që të punojnë në të gjitha vendet e tjera të Bashkimit Europian.
Blendi Fevziu: Pjesa më e madhe e emigrantëve shqiptarë ku emigrojnë?
Eda Gemi, Eksperte Emigracioni: Në Gjermani, në Suedi, Stokholmi është ndër vendet më të kërkuara, Oslo, Norvegjia, Londra në Britani të Madhe. /Agjensia e Lajmeve Sot News/
