Pas dorëheqjes së Ramushit dhe nisjes së tij për në Hagë, ku duhet të hetohet përsëri për krime lufte, shumë politikanë shqiptarë kanë lavdëruar gjestin e vetëdorëzimit të Ramushit dhe e kanë quajtur hero. Jari e shikon me shumë rrezik këtë tendencë:
“Të dashur demokratë,
Jari ju sqaron!
Unë e kuptoj që ne jemi të gjithë me Ramushin, pasi ai na u gjend pranë në ditë të vështira më 30 qershor dhe na premtoi të na dërgojë dhe ushtarë nga Kosova.
Por ne nuk duhet ta tepërojmë me këtë lavdërimin që i bëhet Ramushit, që u dorëzua.
Unë dyshoj se ky është një kurth.
Këta duan të na shtyjnë ne të gjithëve të lavdërojmë ata që dorëzohen kur vjen fletëthirrja nga Gjykata.
Kështu, fjala vjen, duan që ta thotë Luli me gojë të vet “Bravo Ramush që ju dorëzove Gjykatës”, që kur t’i vijë Lulit, të mos ketë shans të marrë raport mjekësor apo të bëjë si i sëmurë, që të mos paraqitet.
Po ashtu, duan të shtyjnë presidentin Meta ta lavdërojë gjestin e Ramushit dhe meqë vet ka thënë “e bëj unë burgun për të gjithë”, ta prekin në sedër, t’i dërgojnë fletëthirrje dhe ai ta pranojë.
Pastaj kjo listë mund tëvazhdojë me Doktorin, me mua e ndoshta dhe me Fatmir Mediun.
Këtu opozita merr fund plotësisht.
Ndaj ju ftoj të reflektoni kur bëni komente për Ramushin të tipit: “U tregua burrë që u dorëzua vetë”.
Këto janë një kurth, i përgatitur me kujdes për ne të opozitës, ndaj nuk duhet ta hamë kollaj këtë.
Duhet të jemi vigjilentë.
Ramushin duhet ta lavdërojmë që po e arrestojnë se mbrojti presidentin Meta dhe doli foto me të në ditë të vështira.
Kjo po meriton të lavdërohet.
Për të tjerat duhet kujdes.
I juaji, Jari!”
