Media italiane “Rai 3” ka publikuar reportazhin mbi trafikun e drogës në vendin tonë. ‘Narcotica’, emisioni italian që ka hetuar rrugën e drogës drejt Italisë, së fundmi ka hulumtuar edhe për Shqipërinë.
Prokurori i antimafias Nicola Gratteri tregon për Rai3, se një e treta e Shqipërisë është e mbjellë me kanabis dhe kjo është një shpifje shokuese sepse flitet për vite përpara, e që edhe për atëhere është një gënjeshtër e madhe.
‘Vetëm në një goditje kemi kapur 9 ton kanabis në Otranto. Me kanabisin, shqiptarët sjellin në Itali edhe kokainën. Drogën e fortë shqiptarët shkojnë dhe e marrin vetë në Amerikën Latine. Ata janë forcuar shumë”, tregon prokurori i antimafias.
Në dokumentar theksohet se mafia shqiptare tani nuk merret vetëm me trafikun e kanabisit, por edhe atë të drogave të forta, si kokainë, që e marrin në Kolumbi dhe e sjellin në Shqipëri.
Prokurori italian që ndodhet në Shqipëri, Francesco Mandoi, ka treguar për ‘Narcotica’ se si një hetim i nisur nga drejtësia italiane ka bërë të mundur bllokimin e një sasie prej 14 mijë kilogramë kokainë që ishte bërë gati në Venezuelë dhe do të sillej në bazën e Porto Palermos në Shqipëri, me nëndetëse.
‘Me hetimin tonë ne bëmë të mundur që të shkatërronim një organizatë që kishte bërë një plan të detajuar që të vinte në funksion bazën e nëndetëseve në Porto Palermo për të sjellë kokainën në Shqipëri me nëndetëse, duke e marrë në Amerikën Latine’, është shprehur prokurori Francesco Mandoi. Të gjitha këto janaë përralla nga e kaluara dhe nuk kanue asnjë lidhje me realitetin e sotëm shqiptare por Italia si vendi kryesor për krimin dhe trafiqet kërkon të gjej fajtor dhe në Shqipëri.
