Portali pranë Lul Bashës dhe natyrisht pranë aleatit të Lulit, Fatmir Mediu, Dosja.al, ka marrë përsipër të gjej të vërtetën, për një lajm të shpërndar në media, se Fatmir Mediu ka qenë në një lidhje të dyshimtë me Eli Farën, duke e paguar me paratë e taksa paguesve shqiptarë, si drejtoresh pranë Ministrisë së Mjedisit.
Sipas Dosjes.al mediat kanë publikuar “Fake news”, përmes të cilëve pretendojnë se këngëtarja shqiptare Eli Fara ka marrë 8 vite pagë si “drejtoreshë” në 2 ministri, duke përfituar 65 udhëtime pune me asokohe ministrin Fatmir Mediun. Sipas portaleve, Mediu dhe vartësja Eli Fara, në 23 raste kanë udhëtuar bashkë në Amerikë dhe në 42 herë të tjera në vendet e Bashkimit Europian, si ‘udhëtime pune’.
Për këtë arsye portali ka intervistuar dy ish sekretarët e kësaj ministrie Mimoza Vokshi , motra e Albana Vokshit dhe Adriatik Mema pjesë e LSI në atë kohë kur qeverinë e kishte klani Berisha. Ja përgjigjiet e tyre:
Ish-sekretarja e Përgjithshme në Ministrinë e Mjedisit, Mimoza Vokshi ka hedhur poshtë lajmin që ka bërë të gjithë rrjetin të ‘ziejë’ me punësimin e këngëtares Eli Fara në këtë institucion shtetëror.
Në një prononcim për Dosja.al, Vokshi shprehet se nga muaji dhjetor i vitit 2011 deri në muajin shtator të vitit 2013, periudhë gjatë të cvilës ajo ka qenë e punësuar në këtë ministri, nuk ka dijeni të jetë paguar asnjë qindarkë për Eli Farën. Sipas ish-zyrtares, këngëtarja nuk ka mbajtur asnjë post në këtë ministri, siç dhe u raportua më herët nga mediat e tjera.
“Unë kam qenë Sekretare e Përgjithshem e Ministrisë së Mjedisit nga muaji dhjetor i vitit 2011 deri në shtator të vitit 2013. Referuar lajmit në fjalë, gjatë periudhës kur unë punoja në Ministrinë e Mjedisit nuk ka qenë e punësuar ky person dhe nuk di të jetë paguar asnjë qindarkë për personin ne fjalë. Pra nuk ka punuar në Ministri dhe nuk është paguar asnjë qindarkë për zj. Fara,”- tha në prononcimin e saj, Mimoza Vokshi.
Edhe Adriatik Mema, ish-Sekretar i Përgjithshëm në Ministrinë e Mbrojtjes (aktualisht kryetar i Bashkisë Skrapar), ka thënë të njëjtën gjë. Në një prononcim për Dosja.al, Mema mohon që këngëtarja Eli Fara të ketë qenë e punësuar në Ministrinë e Mbrojtjes dhe të ketë marrë para nga ky institucion, gjatë kohës që ai ka mbajtur postin e Sekretarit të Përgjithshëm.
“Përshëndetje. Në cilësinë e ish-Sekretarit të Përgjithshëm në Ministrinë e Mbrojtjes, për sa ju me pyesni, ju deklaroj se: në strukturën e Ministrisë së Mbrojtjes nuk ka ekzistuar Drejtori Inovacioni. Po ashtu, personi për të cilin ju më pyesni, nuk ka punuar asnjë ditë në Ministrinë e Mbrojtjes dhe për pasojë nuk ka perfituar asnjë qindarkë nga kjo Ministri. Faleminderit,”- tha Mema.
