1- Dosja CEZ ku shteti shqiptarë humbi 414 milion dollarë e e dënoncuar nga Juristi Romeo Kara i cili shkruan përmes një postimi në rrjetet sociale se edhe ai ka takuar ish-ambasadorë çekë sikurse Berisha dhe ka siguruar se do t’i shkojë deri në fund çështjes së ÇEZ.
“Me siguri kane folur edhe per ÇEZ-in… .
Kam takuar edhe une ish-ambasadore çekë, por i kam siguruar qe çeshtjes do t’i shkoj deri ne fund.”, shkruan Romeo Kara.
Kujtojmë që juristi Romeo Kara ka bërë një padi ndaj ish-kryeministrit Sali Berisha për aferën e ÇEZ, ku pretendohet se nga privatizimi i OSSH, shteti shqiptar ka pësuar një dëm prej 414 milionë euro. Por prokuroria e groposi dosjen dhe u mbështet nga gjykata. Pas kësaj juristi bëri një rekurs edhe në Gjykatën e Lartë.
2- Dosja e 21 Janarit
Në janar të këtij viti u bë me dije se policia ka kërkuar nga Prokuroria e Tiranës rihetim për dy vrasjet që janë pa autorë. Nëse ka zhvillime, atëherë mund të ngrihen akuza për emra të rinj.
Mes “21 Janarit” dhe “Gërdecit” kemi dy çështje të ndryshme. Kjo pasi për “Gërdecin” ish-ministri Mediu nuk është gjykuar kurrë dhe nga kjo pikëpamje familjarët kanë bërë padi.
3- Dosja e Gërdecit
Dorëzimi i dosjes vjen pas vendimit të Apelit të GJKKO për të rikthyer për hetim në SPAK dosjen e bujshme të Gërdecit, duke i hapur rrugë edhe rigjykimit të ish-ministrit të Mbrojtjes, Fatmir Mediu.
SPAK pritet të kërkojë në GJKKO gjykimin e ish-ministrit po ashtu, edhe veprime hetimore shtesë.
Hetimet për tragjedinë e 26 te vdekurve e qindra të plagosurve e një dëmi miliarda lekë, janë kryer nga 2008-2009, asokohe nga prokurori e Përgjithshme.
Ndërkohë GJKKO, më 24 shtator mori vendimin për rikthimin për hetim në SPAK të dosjes, duke pranuar kështu kërkesën e prokurorisë dhe të familjes Durda.
13 vite pas tragjedisë, familjeve të viktimave sot iu rikthye shpresa se mund të marrin drejtësinë e munguar për familjarët e tyre.
Në shpërthimin e Gërdecit më 15 mars të 2008 humbën jetën 26 persona, e ndërsa u plagosën mbi 300 të tjerë.
Kompleksi Partizani i denoncuar nga Taulant Balla:
“Kam bërë jo më larg se 1 vit e gjysmë më parë një kallëzim për privatizimi e një prej komplekseve më të bukura sportive, Kompleksi Partizani. Jemi njoftuar në një njoftim publik nga SPAK se një prokurore apo prokuror e ka marrë këtë dosje. Unë që jam kallëzues nuk jam thirrur asnjë herë dhe do i kërkoja që këto institucione të bëjnë detyrën e tyre dhe ne të presim verdiktin e tyre”. Por ku flejnë këto dosje? Askush nuk e di, sepse SPAKU i peshkut dhe i ngjalës, i ka futur në kasaforta që nuk hapen, ose në gropa e plehrave të pariciklushme, duke i damkosur: Nuk është në kompoetencat tona… e mbyllur! Ekskluzive.al
