Kryeministri i Malit të Zi, Dritan Abazoviç mohoi çdo lidhje me organizata kriminale. Ai kërkoi nga Prokuroria Speciale e Shtetit që të hetojë lajmin ku shkruhej se ka marrë telefona të koduar përmes një prej grupeve kriminale në Ballkan.
Në lajm thuhet se anëtarët e një prej klaneve më famëkeqe ballkanike përdorin telefonat e koduar për Abazoviçin.“I bëj thirrje Prokurorisë Speciale të Shtetit që të hetojë të gjitha akuzat e mjegullta që lidhen me emrin tim, të publikuara nga një portal, përgjegjës për kryerjen e fushatës më të ndyrë kundër meje në periudhën e ardhshme, të ngjashme në atë të gushtit 2020”, ka thënë ai. I pari i qeverisë malazeze tha se beson se për të gjithë është e qartë, siç thotë ai, se nga cila kuzhinë vjen kjo.
“Dhe për të shtrënguar rrethin rreth strukturave kriminale pranë grupeve të caktuara politike brendaDPS-së, qëllimi i të cilëve është të destabilizojnë Malin e Zi për të ruajtur fuqinë e tyre financiare, por edhe më e rëndësishmja për ta për të shmangur drejtësinë”, tha Abazoviç.
Ai tha se është në dispozicion të autoriteteve shtetërore për të gjitha sqarimet, dhe ata që siç shprehet ai “kishin ndërmend të më hiqnin kokën” të përshpejtojnë, raporton danas.“Edhe nëse do të kenë sukses në qëllimin e tyre kriminal, nuk do ta ndalin dorën e drejtësisë. Gjithçka ruhet mjeshtërisht dhe ruhet aty ku duhet. Ne presim gjithçka që vijon”, tha kryeministri.
Teksti për lidhjen e pretenduar të Abazoviçit me organizatat kriminale është publikuar nëntë ditë para votimit të (mos)besimit ndaj qeverisë aktuale, pasi Qeveria nënshkroi Marrëveshjen Themelore me Kishën Ortodokse Serbe.Iniciativa për votëbesimin ndaj qeverisë së Abazoviçit është paraqitur nga pesë parti.
