Pak pasi Sali Berisha mbylli konferencën për shtyp të improvizuar në shkallët hyrëse të godinës së Partisë Demokratike, nga brenda kësaj godine doli Lulzim Basha.
Ai tha se ka marrë mesazhe të shumta përurimi nga shqiptarët brenda dhe jashtë vendit.
“Kam marrë mesazhe edhe nga Kosova dhe Maqedonia e Veriut, që panë se si demokratët zgjodhën me fisnikëri interesat kombëtare, rrugën e së ardhmes dhe të lënë pas hijet e së shkuarës”, tha ai.
Basha deklaroi se me vendimet e Kuvendit, PD sot është e pastruar nga hijet e së shkuarës, gjithëashtu ka komentuar faktin se dhëndri i Berishës, Jamarbër Malltezi hipi sipër makinës së Bashës të parkuar në oborrin e selisë së PD.
Basha: Të thërrasësh referendum dhe të hipësh në makinën e kryetarit të PD është tallje me demokratët. Nëse nesër do të ketë një referendum për të shkarkuar Blinken dhe pasnesër për të shkarkuar Biden, të gjithë e kuptojmë që është një tallje e madhe.
Ndonëse kemi bërë një ndalje me të kaluarën, nuk më çliron nga keqardhja për nivelin kaq poshtë ku ka rënë i zoti i ashtu quajtur referendum.
