Ish-ministri i Transporteve Sokol Dervishaj sapo ka mbërritur në Prokurorinë e Krimeve të Rënda, ku do të pyetet mbi abuzimin në rrugën Tiranë-Elbasan.
Mësohet se Dervishaj do të pyetet për vendimarrjen në kohën kur ishte ministër i Transporteve.
Sakaq, ditën e djeshme u mor në pyetje ish-ministri Haxhinasto.
Sipas Prokurorisë, dëmi që i është shkaktuar buxhetit të shtetit me abuzimet në rrugën Tiranë-Elbasan arrin në 37 milion dollarë. Ndërsa sipas një auditi të Ministrisë së Infrastrukturës, dëmi është në 54 milion euro.
Prokurorët thonë se kontrata e autostradës është amenduar 12 herë në kundërshtim me ligjin, për qëllime përfitimi.
