Në një kronikë televizive të transmetuar në kanalin italian “Canale 5”, është bërë një analizë e rritjes së fluksit të turistëve italianë që kanë zgjedhur të kalojnë pushimet e tyre verore në Shqipëri. Media e njohur thekson se faktorët kryesorë që kanë bërë Shqipërinë një destinacion të preferuar janë aeroporti i Tiranës, çmimet konkuruese dhe bregdetet e mrekullueshme.
Një nga pikat kryesore që theksohet është fakti se aeroporti i Tiranës ofron shërbimin në gjuhën italiane, duke e bërë komunikimin dhe orientimin e turistëve më të lehtë në vend. Kjo ka ndihmuar në rritjen e besimit të turistëve ndaj infrastrukturës turistike të vendit.
Çmimet e ulëta janë një tjetër faktor që ka bërë që Shqipëria të jetë e preferuara për pushime. Krahasuar me vendet fqinje, çmimet në Shqipëri janë shumë më të ulëta, duke përfshirë akomodimin, ushqimin dhe shërbimet turistike të ndryshme. Disa turistë italianë raportojnë se kanë mundur të sigurojnë biletën e avionit, akomodimin në hotel dhe makinën me një shumë të arsyeshme prej 150 eurosh. Edhe opsionet për pushime në çadër janë tërheqëse për disa turistë, pasi një çadër me 2 shezlonge në bregdetin e Durrësit kushton vetëm 5 euro.
Gazetarët italianë kanë intervistuar turistë që konfirmojnë se çmimet e restoranteve dhe produkteve detare janë shumë të përballueshme, duke i bërë ato të një shije të mirë pa i dëmtuar shumë buxhetin.
Ndër të tjera, kronikën e prezanton dhe bregdetin e Kavajës, ku turistët italianë janë drejtuar për të gëzuar plazhin e mrekullueshëm me rërë të bardhë.
Gjithashtu, gazetari italian raporton se në dy vitet e fundit, numri i turistëve italianë në Shqipëri ka shënuar një rritje të ndjeshme. Statistikat tregojnë se në vitin 2022, numri i turistëve italianë ishte mbi 70% më i lartë në krahasim me vitin 2021, tregues i një rritje të dukshme të interesit ndaj këtij destinacioni pushimesh në rritje.
