Para disa muajsh mbërritën në Shqipëri ekspertë të FBI dhe të DEA-s amerikane të antidrogës, por një lajm i tillë kaloi si një gjë rutinë dhe mbeti jashtë vëmendjes së publikut.
Në atë kohë ata zhvilluan takime me ish ministrin e Brendshëm Fatmir Xhafaj dhe në qendëer të bisedimeve kanë qënë goditja e krimit, trafikut të drogës dhe korrupsionit.
Delegacioni i përbashkët i FBI dhe i DEA-s amerikane të antidrogës zhvilloi takime dhe kreun e Prokurorisë së Krimeve të rënda Donika Prela dhe në fund me Prokuroren e Përgjithshme të përkohëshme Arta Marku.
Në të vërtetë, për shkak të situatës tejet të ngarkuar nga publikimi i videopërgjimit të “Babales” nga ana e eksponentëve të PD dhe përfshirjes së Agron Xhafajt në përgjime, ku media ishte shumë e zënë me akuzat ndaj ish ministrit të Brendshëm, gjithçka kaloi në heshtje të plotë.
“Pamfleti” asokohe shkruajti se organet ligjzbatuese amerikane kishin sjellë në tavolinën e Arta Markut dosjet e trafikut të drogërave të forta të Sali Berishës dhe Ilir Metës, trafik i realizuar përmes “ekspertëve” respektivë, Agron Kuliçi dhe Klemend Balili.
Për më tepër që vitin 2019, CIA amerikane e ka shpallur si vitin e luftës kundër trafikantëve të drogës të lidhur me politikën, duke përfshirë këtu dhe Shqipërinë, me argumentin se trafiku i lëndëve narkotike po vret më shumë se sa terrorizmi.
Ndërkohë që FBI ka qënë më herët e instaluar në Shqipëri, dhe në kuadër të mbështetjes për implementimin e reformës në drejtësi, që do të dërgojë në burg “peshqit e mëdhenj”, ardhja dhe e DEA-s amerikane të antidrogës, tregoi qartë situatën anormale në Shqipëri dhe nevojë për ndërhyrje urgjente.
Për më tepër që sjellja e dosjeve të politikanëve të lidhur me trafikun e drogës në Tiranë, pikërisht në kulmin e fillimit të aksionit mbarëbotëror të CIA-s kundër këtij trafiku, tregoi qartë se amerikanët e kanë seriozisht.
Këto dosje të rënda për dy njerëzit që i kanë dhënë tonin politikës në Shqipëri, ish presidenti e ish kryeministri demokrat Sali Berisha dhe ish kreu i LSI, dhe njeriu që ka kaluar të gjitha postet e mundshme qeveritare dhe në Kuvend dhe tashmë President i vendit Ilir Meta, përmbajnë fakte dhe prova të shumta për implikimin e tyre në trafikun e drogës.
Askush nuk ka thënë se Berisha dhe Meta kanë transportuar vetë drogë, pasi do të ishte një nonsens një deklarim i tillë. Ata kanë qënë dhe janë kupola e këtij trafiku, “kumbarët”.
Fjala është për njerëzit e tyre, respektivisht Agron Kuliçi ish truprojë e Berishës dhe ish zv.drejtor i Përgjithshëm i Policisë së Shtetit dhe Klemend Balili, ish zyrtar e sponsor i LSI dhe drejtor i rrugëve në Sarandë në emër të kësaj partie si mik personal i Metës, kanë lëvizur tonelata drogëra të forta gjatë gjithë aktivitetit të tyre.
Dosja me prova amerikane të marra në rrugë operative, pas vënies nën survejim për muaj me radhë të shtëpive të Ilir Metës dhe tërë lidershipit të LSI, përfshirë dhe Ylli Manjanin që ka marrë falas nga Balilët një shtëpi në Sarandë, përgjimet e telefonave të Metës dhe familjarëve të tij, pas një qëndrimi prej disa muajsh në sirtar, tashmë është hapur.
Kjo dosje është nxjerrë nga zarfi, duke parë se kushtet për një hetim më të thelluar dhe më të zgjeruar tashmë janë krijuar, sidomos pas vetëdorëzimit të supertrafikantit të drogës Balili.
Prokuroria shqiptare, e cila ka pasur dhe asistencën e mbështetjen e FBI dhe të DEA-s amerikane të antidrogës gjatë gjithë këtyre muajve, ka vendosur që të shtrijë hetimin duke hapur dosjen e ish truprojës së Berishës, njëherësh ish numrit dy të policisë, Agron Kuliçi.
Gjithçka ka nisur prej faktit se në dosjen e sjellë nga organet ligjzbatuese amerikane, përpos provave dhe fakteve të tjera të marrë në rrugë të ndryshme ligjore, përfshirë dhe dekonspirimin e aksioneve antidrogë të policisë apo bllokimit të drogës së Shkelzen Berishës në Milano, është dhe kabllogrami i ish ambasadorit amerikan Uidhers, për DASH.
Në këtë kabllogram akuzohet Agron Kuliçaj për favorizim të elementëve trafikantë të drogërave të forta dhe dekonspirim të aksioneve të policisë, në favor të këtyre elementëve kriminalë.
Sipas ish ambasadorit amerikan, Kuliçi është shumë i pushtetshëm dhe është mbi drejtorin e Policisë Burgaj, pasi ka mbështetjen e fortë të Berishës, duke u cilësuar dhe krahu i djathtë i tij.
Dhe grupi i ekspertëve të FBI dhe DEA-s amerikane, gjatë këtyre muajve të instalimit të tyre në Shqipëri, e kanë plotësuar ndjeshëm dosjen e Berishës dhe të Metës, duke futur elementë të tjerë të përfshirjes kriminale të Kuliçit në trafikun e kokainës kolumbiane përmes të afërmëve të tij, duke e zgjeruar rrethin dhe me ish kryeprokurorin e Krimeve të Rënda, Besim Hajdarmataj.
Pikërisht këtë dosje tashmë Prokuroria shqiptare është detyruar të hapë dhe po tenton ti hetojë, përshtatur dhe me realitetet e reja të trafikut të drogërave të forta në Shqipëri, mbështetur dhe në hetimin në Gjermani të Arbën Kuliçit(Çekajt) por dhe në hetimet që janë zgjeruar deri në Spanjë. Pa përjashtuar hetimin e thelluar për Klemend Balilin.
Laku rreth “qafës” së Berishës dhe Metës po thellohet gjithnjë e më shumë, ndaj janë acaruar aq shumë sa ish kryeministri demokrat kërkon që të tërheqë dhe Bashën në radikalizimin e opozitës dhe përdorimin e dhunës, ndërsa Meta kërcënon me dorëheqje dhe “vetëvrasje”.
Ngritja e SPAK dhe mbështetja e fortë amerikane dhe e BE do të çojë përfundimisht në burg “peshqit e mëdhenj” të politikës shqiptare, Berisha dhe Meta, e për pasojë do tërhiqet “këmba zvarrë” dhe për Ramën./Pamfleti
