Përmes një lidhjeje telefonike me emisionin ‘Java’ në RTSH, zëdhënësi i Prokurorisë së Përgjithshme, Denion Ndrenika foli lidhur me dosjet e fundit që organi i akuzës ka dërguar në gjykatë.
Ai konfirmoi faktin se dosja 339 ku është përfshirë dhe Vangjush Dako, i cili është nën hetim, por po ashtu tha se do ketë dhe një hetim tjetër për ata që kanë nxjerrë fashikuj të kësaj dosje.
Ndrenika shtoi se nxjerrja e fashikujve në media është thyerje e sekretit hetimor dhe dënohet nga Kodi Penal.
Pjesë nga intervista
Ka një koment për rrjedhje përgjimesh, a ndikojnë për hetimet?
Natyrisht që ne duhet të kemi një informim të plotë për të zbuluar se kur dhe nga kush kanë dalë materialet e përgjimet në të cilat përmendet kreu i Bashkisë Durrës, Vangjush Dako.
Apo dhe të dhëna të tjera që i përkasin hetimeve të fundit. Është regjistruar një procedim për nxjerrjen e të dhënave sekrete parashikuar nga Neni 295/a i Kodit Penal.
Nga ju rrjedhin, se nuk ka nga të rrjedhin?
Nuk e di se nga rrjedhin informacionet, por them se do të ketë një hetim të plotë dhe ligji është shumë i qartë.
Prokuroria ka dhënë një prononcim për zotin Dakon, cili e ka kërkuar këtë prononcim?
Ne kemi ndërhyrë jo në pak raste në emisione kur është kërkuar duke respektuar elementët hetimor, çështja është shumë e thjeshtë është një çështje nën hetim dhe nuk ka asgjë.
Pra ai nuk është nën hetim dhe nuk është thirrur për procedimin 339.
Kjo dosje është në hetim dhe është ndarë në 339 dhe 339/1.
