Albin Kurti ka qenë për vite me radhë kundërshtar i dialogut me Serbinë. Ai ka bërë edhe protesta gjatë kohës që ishte në opozitë, kundër dialogut.
Por, tani që është duke u bërë kryeministër, duket se po ndryshon qëndrim. Ende pa hyrë në zyrën e kryeministrit, tre zyrtarë të lartë të Vetëvendosjes, Xhelal Sveçla, Ardian Gjini e Arban Abrashin, janë takuar një ditë me parë me kreun e serbëve në Kosovë, Marko Gjuriç.
Takimi është mbajtur në Tiranë dhe jashtë syrit të mediave. Por, publikimi i një foto të këtij takimi ka shkaktuar debate të shumta, duke pasur parasysh qendrimet e Kurtit deri më tani.
Vetë partia e Gjuric, edhe ajo e kompleksuar, ka reaguar pas këtyre debateve, duke thënë se takimi ka qenë rastësor, pasi ata kanë marrë pjesë në një konferencë të përbashkët.
Por, më shumë se sa për serbët, takimi është një goditje dhe ndryshim rrënjësor i qendrimeve të Vetëvendosjes dhe Albin Kurtit. Edhe pse, sipas gazetarëve në Kosovë, Albin Kurti nuk ka pse kompleksohet për dialogun me serbët dhe bën takime të fshehta.
“Nuk ka asgjë të keqe prej takimeve spontane me Gjuriqin nëpër konferenca. Edhe me armiqtë flitet – bile pikërisht me ata duhet të flitet.
Problemi i VV-së është se ia ka bërë gropën vetes me moralizimet dhe mënyrën se si i ka trajtuar rastet e tilla kur ka qenë në opozitë. Tash thjesht mos u indinjoni me reagimet, sepse po e korrni atë që e keni mbjellë.“ shkruan Agon Maliqi.
