“Kryevepra” e fjalimit mediatik të së folmes para gazetarëve e doktor Berishës, ishte kur po ju tregonte se Partia e Punës, anëtarë i së cilës ai ka qënë vetë, ishte ajo që kishte shitur interesat e kombit!
Ky kulm u tejkalua kur pyetjes se “ a rrezikon PD” të prishë marrëdhëniet me USA në qoftëse vetë Berisha hyn në kuvend e përgjigja qe se – ajo nuk ka pasur kurrë mbështetje dhe me sa duket ka përmendur Donald Lu që la të kuptohet se SHBA-të nuk kanë mbështetur PD e Berishës prej kohësh! Pra la të nënkuptohej se – nuk ka pse të friksohen nga Amerika PD dhe Basha, pse Berisha do të futet në Kuvend!
Berisha u betua disa herë se nuk ka “burrë dhe forcë” që ta pengojë të ushtrojë pushtetin e tij politik si fuqi e dhënë nga zgjedhësit! E kjo që ta dëgjonte jo thjesht zonja Kim, por sidomos zoti Basha! Bashën doktori e qartësoi se – kishte lobuar me rusët për paratë e tyre dhe se kështu i kishte thënë Lu, por që Berisha nuk e kishte “pranuar” si model kërcënimi politik!
Doktor Berisha tashmë është pothuaj i fundit “puro sangue” i prodhimit më “fantastik” të PPSH-së dhe trasnsformuesit të Shqipërisë në intrigën më rrufjane dhe më folklorike që ka pasur pikërisht ajo parti. Marrëzitë e tij me gjëmën Soros-iste që është fajtor numër një dhe që ai (Berisha) në vetë të parë dhe vetë si person fajtor për depërtimin absurd të fondacionit të “Shoqërisë së hapur” përfitues në Shqipëri, janë tashmë alibitë për luftën kundër Amerikës dhe demokracisë të barazuara me Soros.
Po Berisha tashmë këtë ka luftë – barazinë e gjysëm fshehur të SHBA-ve ne George Soros! Tregimet e tij folklorike për udhëtimet në Hungari apo dikur tjetër që USA kishte shpallur “non grata” e mos dakokordësia e Berishës nuk e fshihnin dot urrejtjen e tij të qartë për këtë akt dhe mënyrë! “Burrnia” e tij kundër Soros-it që sigurisht në Shqipëri ka parajsën e idiotëve të bindur dhe rrufjanëve të uritur e ka bërë Berishën “paladinin”e anti Sorosizmit ballkanik, duke qënë dikur njeriu që futi Koop-n si soris-izëm në PD dhe që kishte dhjetra lidershipe të PD-së të lidhur kokë e këmbë me fondacionin e Dalina Ficos që dihet qartë se për kë punon dhe nga kush paguhet!
Paladini i luftës anti Soros po bënte të gjithë soros-ista, duke filluar nga Blinken që me fjalët e njerzve të Soros shpallte non grata njeriun – hahaha “anti Soros” në Shqipëri! Njeriu e antisorisizmit të “këpucëve të grisura” që kërkon të mbulojë anti amerikanizmin ekstrem të Sali Berishës! Antisoros-izmi i Berishës është njësoj si antikomunizmi i tij! Ai lejoi dhe biles i ka bërë ditirambe të mëdha George Soros dikur duke lejuar dhe furnizmin e kuadrove të PD, zëvendësve të vetë Berishës dhe gazetarëve pranë saj dhe deri te njerëzit afër familjes së tij përfshi dhe Bashën!
Një njeri si ai bën sikur ka qënë dhe është anti Soros! Berisha është anti Soros njësoj si antikumunist kur vetë ishte anëtar i PPSH-së dikur! Anti sorosistët në Shqipëri janë ato që nuk kanë përfituar qoftë dhe një qendarkë nga fondacioni i tij ose që kanë kritikuar që në fillim depërtimin në mënyrë masive dhe të thellë të njerëzve të tij të pasuruarve nga ky fondacion kudo në media, pushtet dhe financa, apo banka e fonde të sajuara nëpër Shqipëri.
Lufta e Berishës si don Kishoti me Soros duke bërë Amerikën sorosiane është alibia e fundit e tij për të bashkuar idiotët politikë rreth tij të kenë një kauzë! Si kjo dhe “nacionalizmi” i një njeriu që ka furnizuar me naftë makinerinë e Milosheviçit, janë e fundit formë për të përballur tashmë luftën e fundit të folklorikut më të ashpër dhe më të përgjakshëm të Shqipërisë jo në 30-të vite por në 70-të vitete e fundit, sa ka jetë me mendje normale një njeri si Doktor Berisha.
Ai i kërcënoi të gjithë dhe nuk e kam fjalën aspak për Ramën i cili i ka krehur bishtin Berishës dhe nuk i ka bërë asgjë! Nuk e kam fjalën për njeriun që i fërkoi kurrizin kur Berisha hodhi në erë Gërdecin! Jo, e di se janë të dy një prodhim dhe mentalitet dhe i ndan vetëm vend lindja si model qytetërimi! Po po Berisha ka të drejtë për Ramën si një ideal sorosian ekstremisht përfitues. E kam fjalën se kërcënimi i Berishës bëhet për shoqërinë shqiptare dhe shqiptarin që do të jetojë një ditë të vetme në qytetërim dhe i qetë.
Sa të jetë gjallë një provokator dhe delirant si ky bashkë me miqtë e tij të pasuruar dhe të përforcuar prej tij dhe po ashtu antagonistët dememek të tij por të ngjashëm me të si Rilindja, kjo shoqëri dhe ky popull, do të vuajë dhe do të përgjaket me veten si Berisha i detyroi të bënin në vitin 1997-të!
Ai kërcënoi SHBA-të dhe po ashtu përfaqësuesit e saj, i barazoi me Soros dhe nën urdhrat e tij, kërcënoi Bashën dhe po ashtu çdo demokrat që do të dilte nga rreshti për mbrojtjen e tij! Fjalët e bukura të tij, janë ato që ka mësuar në shkollat e larta ku e dërgoi PPSH-ja, por sytë dhe kërcënimet e tij vijnë nga origjina e tij e vërtetë dhe folkloriko-delirante që ka që nga lindja dhe do ta ketë deri sa bilogjia ta lejojë të jetojë./Nga Besi Bekteshi
