Aktori, regjisori, producenti dhe këngëtari spanjoll Antonio Banderas lindi në Malaga, Spanjë më 10 gusht 1960.
Ai u dallua me aktrimin në filmat e Hollivudit si: Vrasësit, Intervistë me Vampire, Desperado, Philadelphia, Zorro: The Masked Avengers e të tjerë.
Fituesi i shumë çmimeve prestigjioze të filmit përjetoi ferrin e vërtetë në vitin 2017, pasi pësoi një atak në zemër. Banderas pranon se pas sulmit në zemër, jeta e tij u bë shumë më e mirë, pasi kuptoi se cilat janë gjërat më të rëndësishme në jetë.
Domethënë, sulmi në zemër e ndryshoi aq shumë, saqë edhe shprehja e fytyrës i ndryshoi. Edhe pse në fillim problemi i tij me zemrën nuk i dukej aq i rrezikshëm, pas disa muajsh ai e kuptoi se duhet të shqetësohej seriozisht për shëndetin e tij.
Pasi pati një shans të dytë në jetë, ai kuptoi se duhej të ndryshonte disa zakone, kështu që menjëherë e la duhanin dhe filloi të ushqehej më shëndetshëm:
“E gjithë ajo ngjarje më bëri të pyes veten për kuptimin e jetës. E pashë vdekjen në sy dhe kuptova se e vetmja siguri në jetë është vdekja. Ka qenë ndoshta një nga gjërat më të mira që ka ndodhur në jetën time. Ishte si të vendose syze dhe të shikoje se çfarë ishte e rëndësishme”.
