Zëri i Amerikës, i drejtuar nga Arben Xhixho nga Skrapari, si zëvëndësuese i Elez Biberajt, tashmë vazhdon dhe përhap lajme “konfidenciale”, a thua se është pjesë e grupit hetimor të dosjeve të prokurorisë së Krimeve të Rënda, duke na u shëndrruar si një burim informativ i ngjashëm shumë me reporteren e kronikës Klodiana Lala.
Ja çfarë deklaron ndërkohë VOA që gjoja ka zbardhur detaje të tjera nga hetimet për dosjen “339”:
“Mësohet se pjesë e saj nuk është vetëm Dako, por kanë dalë edhe emrat e disa gjyqtarëve, prokurorëve dhe zyrtarëve në Durrës, të cilët pritet të merren në pyetje në ditët në vijim. Ndërkohë pas marrjes në pyetje, Dako nuk ka bërë asnjë deklaratë për mediat.
Prokurorët nga ana tjetër po vazhdojnë të zbardhin përgjimet, ku sipas Prokurores së Përgjithëshme të Përkohshme, Arta Marku, janë rreth 700 CD”. /Fjala.al
