Drejtori i përgjithshëm i Policisë së Shtetit Ardi Veliu, ka dhënë një deklaratë për mediat, mbi ngjarjen e rëndë që tronditi dje Elbasanin, ku u vra Pjerin Xhuvani, dhe u plagosën 4 persona të tjerë.
Veliu tha se janë arrestuar 10 persona, që kanë qenë pjesë e Strukturës për Mbrojtjen e Votave pranë PD-së, si dhe është shpallur në kërkim shtetasi Klement Xhaferri.
Drejtori i Policisë nuk mundi që të jepte detaje se kush kanë qëlluar më parë nga grupet, duke thënë se kjo është pjesë e sekretit hetimor.
“Këto janë pjesë e dosjes hetimore, nëse prokurorët duan të japin detaje, është e drejtë e tyre”, u shpreh Veliu.
Më tej, Ardi Veliu bën me dije se në vendngjarje janë sekuestruar disa celurarë, 20 gëzhoja si dhe 3 furgonët me logon e PD. Veliu theksoi se në automjetin tip ‘Benz Ml’, nuk janë konstatuar sende të kundërligjshme apo të dyshuara se mund të përdoreshin për shit-blerjen e votës.
