Sali Berisha, i është përgjigjur nga studio e ‘Opinion’ akuzave të Presidentit të Kosovës, Hashim Thaçi, se ish-kryeminsitri ka qenë në shërbim të Millosheviçit.
Berisha tregoi faktet se ai dhe PD kanë punuar gjithë kohën në shërbim të Kosovës, ndërsa ka treguar edhe pse është arrestuar Hashim Thaçi në Shqipëri.
“Është bërë përpjekje e madhe për promovimin e lidershipit të qeverisë së Kosovës. Në samitin e Helsinkit është futur paragraf i veçantë, Kosova.
Ligji ndërkombëtar i kësaj thoshte se i jepte faktorit ndërkombëtar të drejtën të zbriste në Prishtinë. Në atë periudhë janë stërvitur në Shqipëri disa njësi të UÇK-së, që të gjitha nën patronazhin e qeverisë së Ibrahim Rugovës, midis tyre dhe Adem Jashari.
Janë dërguar armatime falas, pa asnjë çmim Bosnjes dhe Kroacisë, të cilat luftonin me Serbinë, për hir të së vërtetës në kundërshtim me embargon.
Nëse është arrestuar Thaçi, është arrestuar për krim ordiner. Ai flinte në një dhomë me një gazetar, ai quhej Ali Uka, dhe ai u gjet i therur në dhomë. Thaçi është thirrur për Ali Ukën”, tha Berisha.
