Arian Çani foli mbvrëmjen e djeshme në emisionin ‘Të paekspozuarit’ lidhur me jetën e tij, ku ka zbuluar disa sekrete për veten. Ai është ndalur tek gabimet, hobet e tij, por dhe frika për vdekjen. Ndërsa i pyetur se cili do ishte vendi i preferuar që mund të zgjidhte për të jetuar, ai ka veçuar Greqinë.
“Vetëm Greqinë. Më vonë se di varet si vjen jeta. Ne se dimë shansin që kemi si popull, ne jetojmë mes dy qytetërimeve që kanë bërë kontinentin, greko-romak. E kemi këtë shans dhe se dimë. E kupton pse jam me Berishën, Ramën dhe Metën sepse e di se çfarë ka atje poshtë, ata të shqyejnë, kurse këta të tre të hanë por ta ruajnë kockën.
Përsa i përket gabimeve të mia ka pafund. Unë më shumë e kam pse se bëra jo se e bëra sepse për ato që kam bërë s’jam bërë pishman dhe po ta nisja nga e para do bëja çdo gjë njësoj. Në raport me ekonominë vetëm kam fituar përsh. Por një gabim do veçoja që shita një apartament që nuk duhet ta shisja. Këtë s’duhej ta shisja dhe bëra një gabim të madh.
Sa i përket hobeve, do ndalesha tek vrapi. Njerëzit që vrapojnë janë gjithmonë mirë. Njoh personazhe shumë të rëndësishëm nëpër Evropë që se kanë lënë vrapin kurrë. Ndoshta ti tani përton të vraposh por mos lidh me moshën.
Lidhur me vdekjen dikur kam pasur frikë, pastaj më vonë fillova me ato që lexoja dhe shihja, që ku jam unë nuk është vdekja dhe ku ehte vdekja nuk jam unë. Më shumë frikë se nga vdekja mendoj dhe kam frikë se ku do e kaloj pjesën pas vdekjes. Të zësh pa fund parcela nuk shkon.”, u shpreh ai.
