Manchester United dhe Arsenal kanë barazuar 2-2 në supersfidën e javës së 15-të të Premier League. Ishte një ndeshje me ritëm të lartë në Old Trafford, me shumë kartonë, mundësi shënimi dhe emocione, por në fund të dy ekipet duhet të kënaqen me nga një pikë. Ishte Arsenal që shënoi i parë me Mustafin pas gaftës së De Gea-s. Por Martial barazon rezultatin për miqtë pak minuta më pas. Në pjesën e dytë Lacazette kalon të tijtë në avantazh pak momente pasi ishte futur në fushë, por United barazon përsëri, këtë herë vetëm një aksion më pas me Jesse Lignard.
Liverpool megjithëse me shumë mungesa ka arritur të ruajë mbajë ritmin e Manchester City-t në fitoren 1-3 ndaj Burnley. Jurgen Klopp ka befasuar të gjithë me formacionin e tij për ndeshjen ndaj skuadrës së Dyche, pasi nuk ka përfshirë Salah, Firmino dhe Mane. Në vend të tyre kanë qenë Origi, Sturridge dhe Shaqiri. Si pasojë, pjesa e parë ishte për t’u harruar dhe situata u përkeqësua në të dytën kur vendasit kaluan në avantazh me golin e Cork. Por të Kuqtë reaguan menjëherë dhe barazuar me Milner përpara se Klopp të fuste në fushë Firmino dhe Salah. Ishte braziliani ai që shënoi golin e fitores ndërsa edhe Shaqiri gjeti rrjetën në minutën e fundit të takimit. Për momentin Liverpool është i vetmi ekip anti-City.
Chelsea ka pësuar një goditje shumë të rëndë në luftën për titull. Skuadra e Maurizio Sarri-t është mposhtur 2-1 nga Wolves. Blutë e Londrës e nisën shumë mirë ndeshjen, duke kaluar në avantazh me golin e Loftus-Cheek. Por në pjesën e dytë miqtë u zhdukën nga fusha teksa Wolves përmbysi gjithçka me golat e Jimenez dhe Jota. Chelsea kishte mjaftueshëm kohë për të bërë diçka, por nuk arritën të shënonin të paktën golin e barazimit dhe tani janë tetë pikë larg vendit të parë në renditje.
Tottenham ka fituar pa shumë vështirësi ndaj Southampton. Skuadra e Pochettino-s ka fituar 3-1 duke kaluar Arsenal dhe Chelsea-n në renditje. Spurs e nisën shumë mirë duke gjetur golin e avantazhit që në fillim me Harry Kane. Pas pushimit ishin golat e Lucas Moura dhe Son Heung-Min që i siguruan tre pikët londinezëve. Në fund ishte Charlie Austin ai që shënoi golin e nderit për ekipin e tij.
