Me të marrë detyrën Kryeprokurorja Arta Marku filloi lëvizjet në Prokurorinë e Përgjithshme. Përveç largimeve në radhët e prokurorëve ka nisur të bëjë ndryshime edhe në stafin teknik. Gazeta “Sot”mëson se prokurorja Marku ka lëvizur specialistët dhe juristët në sektorin e Prokurimeve Publike, përgjegjësin e sektorit të Burimeve Njerëzore si dhe shumë zyrtarë të tjerë.
Pra duket qartë se që Marku po shporr nga organi i akuzës kjo të gjithë njerëzit e Adriatik Llallës, që më së shumti e kanë dëmtuar institucionin e Prokurorisë së Përgjithshme për faktin se nuk kanë bërë asnjë goditje ndaj korrupsionit apo krimini. Me këto lëvizje Marku po tregon edhe njëherë në mënyrë të qartë se ka si qëllim pastrimin e organit të akuzës nga të gjithë të paaftit dhe zëvendësimin e tyre me njerëz ambiciozë dhe të ndershëm.
