Duket se Athina nuk do ta lëshoj kryebashkiakun e zgjedhur me vota të blera të tradhëtarve dhe maskarejve antishqiptarë Meta -Berrisha për Bashkinë e Himarës, Fredi Beleri.
Deputeti grek i partisë Demokracia e Re, Angelos Syrigos do të vijë sot në Tiranë, ndërsa do të zhvillojë një takim privat me kryebashkiakun e zgjedhur të Himarës, Fredi Beleri. Gjatë vizitës në vendin tonë, Syrigos do të bëjë një takim në ambientet e paraburgimit që ndodhet te Qendra Spitalore e Burgjeve Tiranë (Nënë Tereza).
Pas takimit, në orën 12:00, Syrigos do të prononcohet për mediat shqiptare, ku edhe do të zbulojë detaje nga takimi me Belerin. Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit. Edhe pse i arrestuar, ai mundi të fitojë zgjedhjet kundër kandidatit tjetër të së majtës, Jorgo Goro.
Por, Beleri nuk ka mundur të marrë detyrën, pasi autoritetet nuk i dhanë leje për të kryer betimin për marrjen e detyrës. Arrestimi i tij ka tensionuar jo pak retorikën e fqinjëve grek, të cilët kanë kërkuar lirimin e tij të menjëhershëm, madje çështjen e kanë ngritur si problematike deri në Bruksel. Nëse shpallet fajtor Fredi Beleri rrezikon të dënohet nga 1 deri në 5 vite burg.
Protesta në Himarë për lirimin e Belerit, do të marrë pjesë edhe kryetari i bashkisë së Athinës
Ndërkaq ditën e hënë në Himarë do të zhvillohet një protestë për lirimin e Fredi Belerit, i cili u arrestua dy ditë para zgjedhjeve të 14 majit për blerje votash. Mediat në Greqi raportojnë se në këtë protestë do të marrë pjesë edhe kryetari i bashkisë së Athinës, Kostas Bakojanis.
Protesta organizohet me iniciativën e organizatës “Omonoia”, në ora 18:00, në Pedonalen Qendrore të qytetit. Siç thuhet në njoftimin e organizatës, tubimi organizohet pasi përfundon afati tre mujor i përcaktuar me Ligjin Zgjedhor për betimin e Fredi Belerit si kryebashkiak. Kryebashkiaku i Athinës do të jetë ndër folësit në këtë aktivitet, në mbështetje të kryebashkiakut të zgjedhur që mbetet në paraburgim, thuhet në njoftim.
“Ne qëndrojmë pranë kandidatit për kryetar të Bashkisë Himarë, Fredi Beleri. Demokracia nuk burgoset” , ishte reagimi i parë i Bakojanis. Disa ditë më vonë, kryetari i bashkisë së Athinës i propozoi Këshillit Bashkiak të Athinës një rezolutë mbështetëse, e cila vinte në dukje nevojën që Shqipëria të respektonte standardet evropiane dhe theksonte se “minoriteti kombëtar grek ka të drejtë të gëzojë lirinë e tij”.
Ultimatumi Greqisë: Nëse shkarkohet, marrëdhëniet mes dy vendeve do të përkeqësohen
Ndërkohë, kujtojmë se ministri i Jashtëm grek Giorgos Gerapetritis, ka reaguar pak ditë më parë për çështjen e Fredi Belerit, i cili është në burg pasi u kap duke blerë vota për zgjedhjet e 14 majit. Gerapetritis tha se paraburgimi i Belerit është i paligjshëm dhe cenon shtetin e së drejtës.
“Nuk ka sesi të vazhdojë procesi i anëtarësimit të Shqipërisë në Bashkimin Evropian kur ka një shkelje të tillë të shtetit ligjor dhe prezumimit të pafajësisë së zotit Beleri”, tha ministri i jashtëm grek, Gerapetritis. Kjo situatë, sipas Gerapetritis do të rrisë tensionin në marrëdhëniet mes dy vendeve, ndërsa ai ka thënë se nëse Beleri shkarkohet nga posti i kryebashkiakut të zgjedhur do të kishte një përkeqësim serioz të marrëdhënieve greko-shqiptare.
“Me mënyrën se si funksionon, pala shqiptare me siguri po qëllon në këmbë”, tha ai. Ministri grek ka thënë se nuk ka sesi të vazhdojë procesi i anëtarësimit të Shqipërisë në BE kur ka një shkelje të tillë të shtetit ligjor dhe prezumimit të pafajësisë së Fredi Belerit. “Mënyra e trajtimit të çështjes përbën një pengesë serioze në rrugën e përparimit të Shqipërisë drejt familjes europiane dhe tensioni i krijuar nuk është aspak i dobishëm për vendin fqinj”, tha ai. Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit.
Edhe pse i arrestuar, ai mundi të fitojë zgjedhjet kundër kandidatit tjetër të së majtës, Jorgo Goro. Por, Beleri nuk ka mundur të marrë detyrën, pasi autoritetet nuk i dhanë leje për të kryer betimin për marrjen e detyrës. Arrestimi i tij ka tensionuar jo pak retorikën e fqinjëve grek, të cilët kanë kërkuar lirimin e tij të menjëhershëm, madje çështjen e kanë ngritur si problematike deri në Bruksel. Nëse shpallet fajtor Fredi Beleri rrezikon të dënohet nga 1 deri në 5 vite burg.
