Sot ishte planifikuar të zhvillohej në Gjykatën e Posaçme seanca për vlerësimin e masave të sigurisë ndaj Jamarbër Malltezit dhe biznesmenit Fatmir Bekteshi.
Seanca është vendosur të shtyhet për nesër, me kërkesë të palës mbrojtëse, për të patur mundësi të njihen me të gjitha materialet.
Sakaq, mësohet se gjatë seancës ka patur edhe debate. Avokati Genc Gjokutaj ka kundërshtuar masat, ndërsa prokurori Arben Kraja e ka pyetur se në çfarë cilësie ndodhej brenda në sallë.
Gjokutaj është përgjigjur se ai ndodhet si avokati i Sali Berishës. Në këtë moment, Kraja ka kërkuar që Gjokutaj të largohet nga seanca, pasi nuk ka prokurë dhe sot nuk po mbahet seanca ndaj shtetasit Sali Berisha.
Arben Kraja: Zonja gjyqtare nxirreni jashtë këtë, sepse nuk ka Sali Berisha gjyqë këtu e nëse do të përfaqësoi dikë tjetër duhet të paraqesë prokurë!
