Avokati Spartak Ngjela, ka shuar shpresat e ish-kryeministrit Sali Berisha për të zhbërë “non gratën”. Në një intervistë televizive ai ka paralajmëruar edhe reprezalje në radhët e të korruptuarve. Ndër të tjera, Ngjela thotë se Berisha kërkon të zaptojë Partinë Demokratike me shpresën se do heq “non gratën”.
Nga ana tjetër, avokati Spartak Ngjela nënvizoi se SPAK mbrohet nga DASH dhe tha se duhet goditur 80% e krimit të organizuar në Shqipëri në mënyrë që të vijohet në nivelet më të larta të politikës.“Kemi një fakt që na mbron. Presioni që bën shteti, tremb gjithçka. Nëse do të trembë një institucion e tremb.
Blinken deklaroi para 2 muajsh që SPAK-un e drejtojmë ne. Nuk ma ha mendja që Sekretari i SHBA të japë informacion jo real. SPAK-u është nën mbrojtjen e atyre. Më kanë thënë që kanë marrë mbrojtje. U ka dalë fondi. Kur kam biseduar nga këta, më patën thënë që s’i kanë dalë paratë akoma. Ata mbrohen tani, i kanë të gjitha. Korrupsioni është i organizuar me krimin e organizuar.
E dalloj nga optika ime. Kanë ndaluar zhvillimin e hetimeve. Janë dosjet që mblidhen. Nga hetimet kanë dalë që ata kanë blerë Policinë. Krimet s’kanë qenë të zbardhura. Ata kanë deklaruar se i ka përkrahur Policia. SPAK-ut i ka rënë rasti në dorë që të shpëtojë Shqipërinë dhe të lartësojë veten.
Krimi ka pasur fenomen të veçantë nga Perëndimi, kanë goditur njëri-tjetrin. Unë kam besim që SPAK-u do e çoje deri në fund. Nëse nuk eliminohen 80% e krimit të organizuar nuk godet dot nivelet e mëdha të politikës”, tha ai. Ndërkohë, avokati Spartak Ngjela propozoi ngritjen e dy policive, pa lidhje organike me njëra-tjetrën, në mënyrë të tillë që të luftohet krimi.“Duhet urgjent që të dalë policia e dytë, karabinierë domosdoshmëri.
Polici paralele që godasin krimin. Duhen dy polici që nuk kanë lidhje organike me njëra-tjetrën. E lanë, hynë bashkë në korrupsion dhe ka fituar krimi në Shqipëri. A ka nisur krimi që të goditet? po nga SPAK. Por SPAK nuk ka krah”, tha ai.
