Një 26-vjeçar, teknik për montimin dhe riparimin e kondicionerëve, humbi jetën pasi u qëllua me një plumb pistolete në kokë nga djemtë e pronarit të ndërtesës ku ai po punonte. Ngjarja e rëndë ndodhi ditën e djeshme në rrugën “Muhamet Gjollesha” në Tiranë, ndërsa i riu, Indrit Çelaj me origjinë nga Mallakastra, ndërroi jetë sot në Spitalin e Traumës.
Indrit Çelaj u vra nga dy vëllezërit me precedent penal për veprat e vrasjes dhe të plagosjes, si dhe pagator të një tjetër vrasjeje të denoncuar sot nga autori, i cili ishte mashtruar dhe vuante dënimin për këtë vepër të rëndë penale. Ekzekutorët e lëshuar në rrugë të lirë nga drejtësia kriminale shqiptare, kryen me gjakftohtësi vrasjen e radhës, vetëm se sipasi tyr kondicioneri që ai kishte montuar pikonte!Por të gjithë kondicionerët pikojnë ujë nga avullimi. Vdiq në moshën 26-vjeçare, në kulmin e rinisë, teksa ishte duke punuar dhe fituar lekët me “djersë”. Babai i Çelajt ka dhënë një detaj që e bën akoma më tronditëse këtë ngjarje. Në shtator 26-vjeçari do të fejohej, por dy të “fortë”, vëllezërit Kusi, ia morën jetën për motivin në absurd.
“Në fillim të shtatorit do bënim bufenë. Kur vajta në spital vetëm kam mbajtur veten . Sikur të kisha fuqi nuk dija se ca mund të bëja. Ku do kërkoj drejtësi, kush ma zgjidh mua…” ka thënë ndër të tjera babai i Indrit Çelaj.
