Zbardhen të tjera detaje nga dëshmia e 19 vjeçares Hygerta Meta kur policia e riktheu në vendin e krimit për të ndihmuar policinë për të zbardhur krimin e rëndë. Ajo ka thënë se i ati i torturonte dhe I kishte nxirë jetën të ëmës së saj.
Vendimi për ti dhënë fund kësaj dhune e kishte marrë në momentin kur ai ka kërkuar që të martohej pa e pyetur madje nuk ka treguar pendesë për krimin.
“Jam e lumtur që e kreva unë këtë punë dhe nuk pendohem që e kam vrarë tim atë. Ai na ka torturuar dhe i ka nxirë jetën nënës sime. Unë jam fëmija i vogël i familjes. Motra është më e madhja është e martuar, janë 2 vëllezërit dhe pastaj unë. Mami dhe ne nuk kemi folur kurrë në familje.
Për gjithçka fliste dhe vendoste babai. Ai nuk na pyeste kurrë çfare dëshironim.Kur mori vendimin për martesën time, aty erdhi fundi. Nuk dëgjoi çfarë unë doja. M’u mblodh një urrejtje për një kohë të gjatë’ mësohet të ketë thënë
Hygerta më tej ka treguar dhe për ditën e vrasjes
“Ditën e ngjarjes nuk u konfliktuam fare. Mora armën që babi përdorte kur shkonte në punë si roje dhe e qëllova brenda kasolles së bagëtive. Pas krimit e kam mbështjellë me një çarcaf, pastaj me fasho e në fund me qese. Armën e hodha buzë detit” ka treguar më tej ajo
Vrasësja ishte studente e Gjuhëve të Huaja në Tiranë me sakrificat e babait dhe jetonte e vetme në katin e dytë të shtëpisë, të ngritur nga babai dhe në asnjë rast asnjë nga pjestarët e familjes nuk ishte ankuar për dhunë, mdërsa fqinjët e njihnin si familjari të mirë jo i dhunshëm por autoritarë.
