Pas eliminimit nga gjysmëfinalja e Champions League, Barcelona ka marrë një tjetër goditje të rëndë. Katalanasit munden 2-1 nga Valencia në finalen e Kupës së Mbretit dhe e mbyllin këtë sezon vetëm me një trofe të fituar, La Ligën.
Valencia e nisi shumë mirë ndeshjen duke luajtur pa frikë dhe duke ushtruar një presion të madh ndaj Messit me shokë. Në minutën e 21’ erdhi goli i merituar i shënuar nga Kevin Gameiro. Pak minuta më vonë, Valencia shënon të dytin me Rodrigon në minutën e 33′.
Reagimi i katalanasve erdhi me vonesë. Messi ngushtoi shifrat 1-2 në minutën e 73. Minuta e mbetura ishin me emocione të mëdha dhe sulme të vazhdueshme të Barçës, por futbollistët e Valencias humbën 2-3 raste të pafalashme me portën bosh. Rezultati mbeti i pandryshuar deri në fund.
Më poshtë mund të ndiqni 3 golat e finales.
